Barzanî: Dirêjkirina ji nû ve ya wezîfeya min a serokatiyê red dikim

Barzanî: Dirêjkirina ji nû ve ya wezîfeya min a serokatiyê red dikim

Serokê Birêveberiya Herema Kurdistana Iraqê Mesûd Barzanî di nameya ku ji Parlamentoya Kurdistanê re şand de destnîşan kir “Cardin dirêjkirina wezîfeya min a serokatiyê ez red dikim”

Mesûd Barzanî bi nameya ku ji Parlamentoya Kurdistanê re şand teleb kir ku rayeyên wî ji Serokatiya Parlementoyê û Konseya Bilind a Adaletê û Hikûmetê re bên dewirkirin.

Di nameya ku ji teref Serokê Birêveberiya Herema Kurdistana Iraqê Mesûd Barzanî ve ji Parlementoya Kurdistanê re hat şandin de wisa hat gotin: “ Piştî wan hilbijartinên Serokatiya Kurdistanê ya ku diviyabû di 24ê Cotmehê de bên kirin û ji ber ku tu kes nebû namzed hatin taloqkirin re, cardin dirêjkirina wezîfeya min a serokatiyê ez red dikim. Ez dirêjkirina wezîfeya min Serokatiya Kurdistanê ya ku dê di yekê Mijdarê de bi dawî bibe qebûl nakim. Ez teleb dikim ku di demeke nêz de parlemento bicive û rayeyên Serokatiya Kurdistanê bên dewirstandin. Ez jî wek pêşmergeyekî di nav gelê me de digel wan pêşmergeyên din ên ezîz bo mafên gelê me yên sirûştî têbikoşim û ez ê bidestxistiyên gelkê me mihafeze bikim.”(ÎLKHA)



: http://ku.ilkha.com/haber/10380/barzan-dirjkirina-ji-n-ve-ya-wezfeya-min-a-serokatiy-red-dikim 


Ê Berê IHO-EBRAR rûyên xwendevanên yetîm û muhtaç kenand
Ê Li Pey Mesûd Barzanî: Xencera jehrî li pişta Pêşmerge û gelê me dan

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.