Li Misirê 4 ciwan hatin îdamkirin

Li Misirê 4 ciwan hatin îdamkirin

Li Misirê bi qerara mehkemeya leşkerî 4 ciwan hatin îdamkirin.

4 ciwanên Misirî yên ku ji ber bûyerên ku di sala 2015an de li Kefr eş-Şeyh derketibûn dihatin darizandin û berî niha derheqê wan de ji teref mehkemeya leşkerî ve qerara îdamê hatibû dayîn li Girtîgeha Burc el-Arab hatin îdamkirin.

Hat hînbûn navên ciwanên ku hatine îdamkirin Ahmed Abdulhadî es-Suheymî (29),  Ahmed Abdulmun'îm Seleme (42), Samî Abdullah Yusuf (32) û Lutfî Îbrahîm Îsmaîl (25) e.

Usame Beyûmîyê parêzerê ciwanên ku hatin îdamkirin derbarê mijarê de diyar kir  digel ku ew belgeyeke ku bêsûcbûna ciwana îspat dike dabe serdozger û wezareta karên hundir û ji wan xwestibe demildest îdaman bidin sekinand jî tu kesî van daxwaz û delîlan li ber çavan negirtiye û serê xwe pê neêşandine û ciwanan îdam kirine.

Digel îdamên ku doh hatin kirin hejmara kesên ku di heyama Abdulfettah es-Sîsî hatine îdamkirin derket 26an.(ÎLKHA)



: http://ku.ilkha.com/haber/11024/li-misir-4-ciwan-hatin-damkirin 


Ê Berê Ji Wezîrê Karên Derve daxuyanîya PKKê
Ê Li Pey Rêjeya enflasyonê ya sala 2017an hat eşkerekirin

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.