“Em wê nirxandina performansa mamosteyan qebûl nakin” - Kelhaamed

“Em wê nirxandina performansa mamosteyan qebûl nakin”

“Em wê nirxandina performansa mamosteyan qebûl nakin”

Serokê Şaxa Mêrdînê yê Egîtîm-Bîr-Senê Eyub Deger destnîşan kir ew wê nirxandina performansa mamosteyan a ku bi şikleke bilezûbez dê ji teref Wezareta Perwerdehîya Neteweyî ve li 12 bajarên sereke bê sepandin qebûl nakin.

Civîna Lijneya Dîwana Bajêr a Şaxa Mêrdînê ya Egîtîm-Bîr-Senê li Mala Mamosteyan di bin serokatîya Serokê Şaxê Eyyup Deger de hat kirin. Degerê axavtina destpêkê ya civînê kir û di axavtina xwe de pergala “Nirxandina Performansa Mamosteyan” rexne kir.

Degerê ku di axavtina xwe de diyar kir ew wê nirxandina performansa  mamosteyan a ku bi şikleke bilezûbez dê ji teref  Wezareta Perwerdehîya Neteweyî ve li 12 bajarên sereke bê sepandin qebûl nakin û dû re wiha li axavtina xwe zêde kir: “ Divê ev sepanan ku ji zirarê pê ve tiştekî nade û li kesan derîyê mehkemeyan dide vekirin demildest bê vekirin.”

Degerê ku di berdewama axavtina xwe de diyar kir ew sepana ku qala wê tê kirin teqez waada îtîbar û karîyerê nake û dû re wiha li axavtina xwe zêde kir: “ Ew xweydana ku li polê tê herikandin nîşaneya herî mezin a performansa mamosteyan e. Divê seatên xebatê yên mamosteyan bê başkirin û şert û mercên heyatê bên başkirin û meseleyên din bên çareserkirin. Tiştên ku divê bên kirin ev in.”

Deger di dawîya axavtina xwe de diyar kir li Mêrdînê valahîya 2 hezar mamosteyan heye û ew sepana mamosteyên bi hevpeyman dê bo vê problemê nebe çareserî.(ÎLKHA)



: http://ku.ilkha.com/haber/11718/em-w-nirxandina-performansa-mamosteyan-qebl-nakin 


Ê Berê “Ji bo zilma li Gutaya Rojhilat bi dawî bibe em ê bibin taqîbkarê wê”
Ê Li Pey Ji Akdagê Alîkarê Serokwezîr derbarê îstîsmara zarokan de daxuyanî

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.