Yew thomê cuyinê sıfreyi dewan: Zervet - Kelhaamed

Yew thomê cuyinê sıfreyi dewan: Zervet

Yew thomê cuyinê sıfreyi dewan: Zervet

Zervet hêt Çolig ra yew thomê khona u hema zi sıfreyê dewan dı dewom kena u kes cuyinê na wer war nêverdo.

Nameyê Zervet her het dı u her dew dı  hewılyeno. Zervet borustunê merdıman dı yew thomo weş peşkeş kena. Zervet bı xususi zerê bajaran dı ney la dewon dı qê meymanan sıfreyan dı  peşkeş bena u yena werdış.

Vıraştışê Zervet zaf zora la pê teklemıyê malzemeyan u desti huneran dı hina thomê aye  bena weş.

Nameyi Zervet teki cayan dı Luel, servet, xora u heşş viyerenê u Zervet pê nê malzemey vıraziyena; mir, goşti, run kelı, dendıkê gozi, piyonz  u tontırê zımıstan.

Bajara Çolig, qezaya Boglon u dewa Gume Seydon ra howtay serri yew cıni nameyê aye Xece ya u Zervet sêni zıraziyena ma rê eşkera kerd.

Xanıma Xece, “Vercu qê Zervet pê ardi u aw mir alawyeno u mudêk mir vındeno, dıma zi mir pê  gırdonek tenık beno a u zerê malzemeyi Zervet beno hadır. Zerê malzemey dı run kelı, tontırê zımıstan, goşti, piyonz ya zi dendıkê gozi şuxulyeno” vat. 

Xanıma Xece vat ki, "Zervet thomê ‘asıl xu wexti peşayış dı gêna u ma vercu koli veşnênê kenê kozırmı dıma zi Zervet pê whel u kozırmê adıri pojênê. Ma pıxeri dı toq erzênê sêr Zervet u whel u kozırmê adır zi erzênê hem bın Zervet hem zi sêr toq. Benatê Zerveta kozırmê adır u Zerveta suba dı hêt thom ra zaf ferq esto".

Xece, “ Zerveta ma badi zerê pıxeri dı peşayış ra sıfreyan dı peşkeş bena u weriyena” vat u qısey xu qedna. 

ÎLKHA


Ê Berê Ji Qur‘Ana Mecîd Çend Pend û Şîret
Ê Li Pey Bavekî din bi hesreta lawê xwe yê Yûsifî rehmet kir

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.