YA QEWMÊ MİN -4

YA QEWMÊ MİN -4

Jİ QUR’ANA MECÎD ÇEND PEND Û ŞİRET

Îbrahîm jî (bi bîr bîne) dema ku wî ji qewmê xwe re got: Ya wemê min! bi tenê ‘evdîtîyê ji Ellah Te‘ala re bikin. Xwe ji (dijberîya emr û nehyên) wî biparêzin. Eger hûn hay jê hebin ev ji bo we bixêrtir e.  Bêgûman we dev ji Ellah Te‘ala berdaye, hûn pûtan dihebînin û derewan (ji ber xwe) dertînin. Bêgûman ew (pûtên) ku hûn ji Ellah pê ve wan diḥebînin hîç ema hîç nikarin rizqekî bidin we. Madem (heqîqet) wihareng e rizqê xwe tenê ji (dergahê) Ellah Te‘ala bixwazin. Her wî biḥebînin û şukrê wî bikin. (Lewra) vegera we her bi bal wî ve ye.  Eger hûn (bangewazî û pêyẋembertîya) min derewbidêrîn (vê heqîqetê baş bizanibin ku) gelek ummetên berya we jî (pêyẋemberên xwe) derewdêrandibûn. (Wek wezîfe) mesûlîyeta pêyẋember tenê teblîẋek aşîkar e. (Sûretê ‘Enkebût, ayet: 16-18.)

 Me ji (ehlê) Medyenê re jî Şû‘aybê birayê wan (bi pêyẋembertî) şand. (Şû‘ayb) got: Ya qewmê min. ‘Evdîtîyê ji Ellah Te‘ala re bikin. Ji roja axretê hêvîdar bin. Fîtne  û fesadîyê li ser rûyê erdê dernexin û tevlihevîyê çênekin. (Sûretê ‘Enkebût, ayet: 36.)

   Ji alîyê dinê bajêr ve mirovek bi bez hat û got: “Ya qewmê min! Bibin tabi‘ê wan qasidên ku (bi pêyẋembertî) hatine şandin. Bibin tabi‘ê wan (resûlên) ku tu ucretekê ji we naxwazin û li ser hîdayetê ne. Bibin tabi‘ê wan (resûlên) ku tu ucretekê ji we naxwazin û li ser hîdayetê ne. (Sûretê Yasîn, ayet: 20-21.)

 Bêje ya qewmê min (ê kafir), çi ji destê we tê bêtexsîr bikin. Bêgûman çi ji destê min jî bê ezê jî (di riya Ellah Te‘ala de) bikim. Elbet hûn dê di nêz de fêr bibin bê ka ‘ezabê zelîlkirox (li vê dinê) dê bi ser kê de bê û ‘ezabê domdar (li axretê) dê bi kê de bibare. (Sûretê Zumer, ayet: 20-21.)

 Ya qewmê min! Îro mulk (hukumranî û hukumdarî) yê we ye. (Ḥalê ḥazir) hûn li ser rûkê erdê serdest in. Bes eger ‘ezabê Ellah Te‘ala bi ser me de bê gelo kî dikare alîkarîya me bike? Fîr‘ewn got: Ez raya xwe bo we dibêjim û ji bil riya rast rêkî din nîşanî we nadim. (Sûretê Zumer, ayet: 29.)

 Kesê bawermend got: Ya qewmê min! Ez ditirsim ku dê rojek wek roja Eḥzab[4] bi serê we de bê. (Rojek) wek  (roja ‘eqîbeta) qewmê Nûḥ, ‘Ad, Semûd û yên piştî wan. Naxwe Ellah Tea‘ala ji ‘îbadên xwe re zulmê naxwaz e. (Sûretê Mu’mîn, ayet: 30, 31.)

 Ya qewmê min bi rastî ez ji bo we ji roja (qiyamet û) feryad û fîẋanê ditirsim. Ew roja ku hûn dê bi paş ve vegerin û birevin. Bes (di wê rojê de) hîç kesek nîne ku we ji ‘ezabê Ellah Te‘ala biparêze. Zaten kesê ku Ellah Te‘ala wî ji rê derxe hîç kesek nîne ku wî bînit ser hîdayetê. (Sûretê Mu’mîn, ayet: 32, 33.)

 Wî kesê bwermend got: Ya qewmê min! Hûn bibin tabi‘ê min. Ezê we bibim ser riya hîdayetê. Ya qewmê min! Bêgûman ev ḥeyata dinyayê meta‘ek muweqqetê pêleyistokê ye. Lê axîret bêgûman darul-qerar e.[5] (Sûretê Mu’mîn, ayet: 38, 39. )

 Ya qewmê min! Ev çi ḥal e, ez we dawetî necatê dikim hûn min dawetî agir dikin. (Sûretê mu’mîn, ayet: 41.)

 Wextekî Mûsa ji qewmê xwe re gotibû: Ya qewmê min! Çima hûn ezîyetê li min dikin. Naxwe hûn jî dizanin ku ez qasidê Xweda me û ji we re (bi pêyẋembertî) hatime şandin. Dema ku ew ji riya heq derketin Ellah Te‘ala jî qelbê wan (ji riya heq) şemitand. (Lewra) Ellah T ‘ala qewmê fasiq nayne ser hîdayetê. (Sûretê Saf, ayet: 5.)

 (Nûḥ) got: Ya qewmê min. Bêgûman ez ji bo we hişyarkerek aşîkar im. ‘Evdîtîyê her ji Ellah Te‘ala re bikin, tenê ji wî bitirsin û bibin tabi‘ê min. Da ku ew jî gunehên we biẋefrîne û ḥetta muddeteke mu‘eyyen muhletê bidit we. Bêgûman dema ecelê (ku ji teref) Elllah Te‘ala (ve hatîye tayînkirin) bê, êdî bi paş ve nayê vegerandin. Ax xwezî we (ev heqîqet) bizaniba. (Sûretê Nûḥ, ayet: 2-4.)

 

[4] Roja Eḥzab: Ew roje ku qehr û ẋezeba îlahî bi serê qewmên kafir û derewdêrandoxên pêyẋemberên berya wan de bi sebeb kufra wan hatibû.

[5] Yanî axîret û jîna li axretê ebedî û mayînde ye.

 


Ê Berê Weqfa Kerwana Umûdê ji êtîmên Tirkistanîyên Rojhilat re alîkarîya cil û bergan kir
Ê Li Pey “Divê însanetî bo Yemenê gav bavêje”

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.