Çi Dem E Hatî Bi Ser Me

Çi Dem E Hatî Bi Ser Me

Tehsîn Îbrahîm DOSKÎ


Medhekar im bo Xodayê roj û şev

Her çi kare hey bi hîkmet yê kirî

Nadetê wesfê ji ‘eczê kes bi dev

Hêbetê encam e lew axirî

 

Wî li dûryana dine dana mirov

Daye ‘erd û hêz û zevyû daye tov

Daye warê wî ji cehlê kirye gov

Çîmen û bağê kirî dehl û dirî

 

Rast e rêya xo li ber singê vekir

Dayê rêbaza wekî şîr û şekir

Lê ewî-l gore riya xo pale kir

Lew le’înê yê bi nig xove birî

 

Lew -berê xobdê- jiyan lê bû jehir

‘Alema hinde fireh ma wek qebir

Xoşî ka wî? Bes bi destê ma qehir

Sal hemî-ber wî zivistanew çirî

 

Şev reşew deyarye heyva çûye xar

Rêberê rêberzeye-j ‘eqlê hejar

Çi dem e hatî bi ser da wey hewar

Leş wî êxsîrew riha têda mirî

 

Sehke serdarî ji bo kê pale ye

Agir e-b kê ji bo kê kole ye

Sed ‘eceb dê bêjî ne-j axa me ye

Bo rezê xo kî we dît bûye strî

 

Bo berîkê her çi tiştê hey firot

‘Ar û namûs û heta dînê me dot

Şêr e bo jara li wan hestîfirot

Bo neyara mîheke-l ber kavirê

 

Sehkê teqwadarê zana kîve çû

Kê cihê wî girt û kê keftiye dû

Heyf e bo dînê nehêla avirû

Ew dûhî serbû nûke yê bûy kurî

 

Kûrye ewbû çî dewarê çû serî

Dûyve lank û tabi ‘e yê-l ber derî

Bo heqiyyê yê kerr e bê zeverî

Lê dema alîk ji dûr ve dît zirî

 

Ew wekî avê ye wî reng nîne qed

Ezbenî ger hesbiket narew cemed

Heyf e ger îblîs e ger nûra semed

Dîn lewa-l ber xelkê yê tarî kirî

 

Bo kesê korey nehêla bîr û ray

Sehkê çawa wî-b jinê dava veday

Ey dilo hetta tu jî yê mubtelay

Wey hewar ‘eqlê me hemya yê firî

 

Sehke şeytanî çewa dava veday

Çawa wî-b rêka jinê pifkir çiray

Kê bi dest maye gelo tekbîr û ray

Şehwetê ‘eqlê-j serê hemya dûrî


Ê Berê “Mahkûmên Yûsufî bi qerarên ku FETO da hatin avêtin zindanan”
Ê Li Pey Google nexşeya Kurdistanê jê bir

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.