Sê Mehên’ ku mehên rehmet û mexfîretê ne dest pê dikin

Sê Mehên’ ku mehên rehmet û mexfîretê ne dest pê dikin

Sê mehên ku di nav xwe de Şeva Leyletûl Qedra ku ji hezar û yek şevê bixêrtir e dihewînin di 7ê meha Adarê di şeva ku şeva pêncşemê bi şeva înê ve girê dide de dest pê dike.

Sê mehên mibarek ên ku Pêxemberê Hz. Muhammed(s.x.l.) di derheqê wan de gotiye “Ya Rebbî!  Recep û Şabanê ji me re mibarek bike û me bigihijîne Remazanê” di 7ê meha Adarê di şeva ku şeva pêncşemê bi şeva înê ve girê dide de dest pê dike.

Meha Recebê, Regaîb û Mîracê, Meha Şabanê Beratê, Meha Remezanê jî  Şeva Leyletul Qedrê di nav xwe de dihewînin ku ev  şev û mehên mibarik ji bo qezenckirina riza Xwedê û ji bo tobekirinê firsedeke mezin e û divê Misliman ji xêra van şev û mehan mehrûm nemînin.

Hedîsên ku di derheqê sê mehan de ji Pêxemberê me hatine neqilkirin

- Ya Rebbî!  Recep û Şabanê ji me re mibarek bike û me bigihijîne Remazanê.

- Ji bo wan kesên ku di mehên haram de rojên pênçşem, în û şemiyê rojiyê bigrin re  xêra îbadetên bi qasî du salan tê nivîsîn.

-Di mehên haram de rojek rojî girtin û rojek xwarin pir bi fezîlet e.

-Di meha Recebê de pir zêde îstîxfar bikin;lewra  di her wextên meha Recebê de evdên ku Xweda wan ji cehnemê azad kiriye hene. Her wiha di cennetê de qesrên wisa hene ku encax kesên ku di meha Recebê de rojî digrin dikarin têkevin wê derê.

Dîrokên şev û rojên mibarek ên sê mehan:

Îsal sê meh di 7ê meha Adarê di şeva ku şeva pêncşemê bi şeva înê ve girê dide de dê dest pê bikin. Dîrokên wan şev û mehên mibarek ên din jî wiha ye: Qendîla Regaîbê: 7ê Adarê  Roja pêncşemê, Qendîla Mîraçê: 2yê Nîsanê, Qendîla Beratê: 19 Nîsanê Roja Înê, Destpêka Meha Remezanê: 6ê Gulanê, Şeva Leyletul Qedrê: 31ê Hezîranê Roja Înê, Arafe: 3yê Hezîranê, Îda Remezanê: 4,.5 û 6ê Hezîranê.

(ÎLKHA)


Ê Berê Evîndarên Pêxember Seferberîya Selewatan da destpêkirin
Ê Li Pey Şev û rojên mibarek ên sala 2019an

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.