Çûkek Hebû Li Vir

Çûkek Hebû Li Vir

Sohrabê Sepehrî (Wergera ji Farisî: Cewad QEMERÎ)

 

 

Ey ‘ebûra zerîf!

Manekî dêyne li bask û perran

Ta ku

Perrê hişê min

Bisoje ji ḥesûdîyê

 

Ey jîna şedîd!

Kokên te ji muhleta nûrê

Avê vedixwin

Ademîzad

Ji vê ḥicma ẋemgîn

Di cobarên ḥewza demê de

Roja dagirtina ḥewzê

Di xewa xwe de dibînin

 

Ey piçek balatirê rastîyê

Digel tevzîvedana derûnîya ‘ezîz

Mîrasa şeklên tarî diweşin ji perrên te

Îsmeta metelmayîya hilfirrînê

Wek xetekî muẋleq

Di valahîya fezayê de

Remzan belav dike

 

Ez

Warisê nexşê ferşê zemînim

Hem ê temmamê xetexwarên vê ḥewzê

Şeklê wê kase a paxir

Hemseferê min bû

Ji ser hîssîyatên derûnîyê ‘ezîz

Ta teraşbûna wijdanên vê rojê

 

Ey awirvedana hereketê!

Hicmê engûşta tekrarê

Pencera îltîhaba min qefiland

Berya vê li ser lêvên sêvê

Şu’le vedidan destên dimin

Yanî piştî wan

Rojên ku însan tev qewmê yek şaxekî bûn

Rojêndi bin sîya pelêntêgihîyê de

Li ser biriyên gir ê mizgînê bûn

Xewnek şîrin ji hişê xwe diçû

Ji ber temaşeya tîrojên sitêrkê

Xwîna însan ji komên îrfanê tije dibû

 

Ey ḥuzûra perîroja ewwelîn!

Ey yê ku bi hilfîrîna ji şaxekî li axê

Resmê ḥurmeta jînê

Xêz dike

Min, piştî çûna teya qeraxê şet

Dengê tûndê tîbûnê

Dibihîst

Perrê teyê ḥazircewab

Dikevit pêşîya sûala fezayê

Ademîzadî tomara dirêja întîzarê ye

Ey perrende!

Belê tu

Xala yek nuxteya di saḥîfeya îrtîcalîya ḥeyatêde yî…

 

 



Ê Berê “Ger em ji Xwedê hez dikin divê em tabiê Hz. Muhammed bibin û rêya wî bişopînin”
Ê Li Pey Evîndarên Pêxember û Şaredarîyê derbarê bernameya Mewlûdê de daxuyanî dan

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.