Xwarinên ji bo Zivistanê

Xwarinên ji bo Zivistanê

Zarok û ciwanên delal!

 

Belê çêkirina xwarinên ji bo zivistanê ku bi hevre bi hela helake mezin, bê çiqas geş û xweş bû. Bîna dano û ava tirşê ji ser xanîyan kêm nedibû, efara baxçe û rezan hew dibû.

Bastêq û bennî li ser xanîyan bi benna ve dialiqandin. Pelûla jibo bastêq û bennîyan hazir dikirin di sitîlên mezin de. Gava ku tayê bennîyan di nav pelûlê de dadikirin û bi heska pelûl bera ser çarên bastêqê didan, hûnê bêjin bê çiqas xweş bû. Şeqitandina bastêqê ji çaran jî xweş bû. Ê helbet we nedîtibe, we nekiribe, hûnê nizanibin bê çawa xweş bû. Niha hûn li ber destê xwe hazir dibînin.

Gava dano hazir dibû di sitîlan de, zarokên mehelê tasê xwe dianîn ber sitîlan û ji xwedyê dano hinek dixwestin, paşê xwê pê werdikirin û dixwarin, lo ji beqlewê jî xweştir wê gavê. Dîsa gava ava tirşê yanî salçeya malê hazir dibû, zarokan hinek bi ser nanê xwe dikir û bi dev û dirana diçûnê. Lêv û dora devê wan sor dibû û ji hevalên xwe re digotin “çillî te” Lo ma çiqas xweş bû.


Ê Berê Bi sedhezaran Evîndarên Pêxember ji bo muhabbeta Muhammedî xwe berdan qadê
Ê Li Pey Meha Remezanê meha efû û mexfîretê ye

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.