CANÊ CANA

CANÊ CANA

Şêx Memdû’hê Birîfkanî

 

Pir ji dinya te xerîb im canê cana min tu ka

Dilkel û jar û keîb im canê cana min tu ka

 

Dilkel im sê sal temam e çav li rê yara xo mame

’Aşiqek pir mubtela me canê cana min tu ka

 

’Aşiq im dûr im ji ramê ’eşweyîn şîrîn kelamê

Girtî me-l vê qeyd û damê canê cana min tu ka

 

Girtime mame di qeyda her wekî mecnûn û şeyda

Dil bi navê te me ’hey da canê cana min tu ka

 

Dilkul û jar û ze’îf im mubtelê qametelîf im(1)

Ru’h fîday şama şerîf im canê cana min tu ka

 

Ru’h fîday werdên bixar im kuştiyê cotên xumar im

J-me’hbeta ’işqê dizar im canê cana min tu ka

 

J-me’hbet û cewra ’hebîba qehr û azara reqîba

Zêde kir êşa ğerîba canê cana min tu ka

 

Zêde bû cewr û cefa me (bela me) bêguman be’hra xema me

J-yar û dostan ez cuda me canê cana min tu ka

 

Bêguman dilvanî dost im sed meqaman veguhistim

Heta ez j-me’hwê veristim canê cana min tu ka

 

Min heta me’hû fena bû dil bi ’işqê mubtela bû

Cezbe û lerzîn û ta bû canê cana min tu ka

 

Lê (her) dema j-me’hû û fenayê geştîme ’halê beqaê

Can û dil her dû ma daê canê cana min tu ka

 

Can ji ber kezmên du sadan b-ser û feyza selewatan

Bûme mezherê sîfatan canê cana min tu ka

 

Bûme mezher bo cemalî we’hdeta cûd û wîsalî

Dil geha nûra celalî canê cana min tu ka(2)

 

Dil geha keşfa şihûdê zîkr û tew’hîda sihûdê

B-can û dil çûme sicûdê canê cana min tu ka

 

Can bi navê te me ’hey kir xulqê razî me di ber kir(3)

Sed şukir merza li ser kir canê cana min tu ka

 

Sed şukir fezla te dîsa nûr û narê Nebî Mûsa

Dil me “Tûr” e bê teyîsa canê cana min tu ka(4)

 

Dil kete sîrra lîqaê we’hdeta ’halê beqaê

Cinneta zewq û sefaê canê cana min tu ka

 

Cinneta keşfa cemalê menzîla min di xeyalê

Hadir Exlatî fîda lê canê cana min tu ka

--------------------

 

Ferhengok

’Işwe: Nazî, nazdarî, delal, be naz

Me’hu: Neman, mirin

Mezherê sîfata: Serkaniyên tiştên baş, serçaviya şitên baş

Cûd û wîsal: Gihşîtina hev

Hadir: Yekser, di gavê de, demildest


Ê Berê “Mursî bi canê xwe wê xeleka berxwedanê domand”
Ê Li Pey Kuştina plankirî ya Şehîd Muhammed Mursî

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.