ÎRO LI MIN XUŞ BÛ BIRÎN

ÎRO LI MIN XUŞ BÛ BIRÎN

Şêx Muşerref XENÛKÎ

 

Îro l imin xuş bû birin

Çik bûn çem û xûn û girîn

Derd û elem yek car firîn

Lewra weha xuş xeber in

 

Dunya temam lew bûye tav

Gul çîçikan girtin xunav

Qaz û qulung lê bûn belav

Van bilbilan lê qal û şer

 

Bû deng û denga bilbilan

Xuş tê kunava sorgulan

Bû xuşxuşa sahib dilan

Cahil hema lê fikirîn

 

Sosin li mêrgan zeyyinîn

Nêrgiz li wan xuş xuş kenîn

Xuş bû gulek bağ û cenin

Dost û evin tê da çêrîn

 

Mektûbekî mislê nebat

Wek kehniya ava heyat

Îro di êvarê ku hat

Hat û-j Diyarbekra şîrîn

 

Çendan tu mektûbek xuş î

Mislê gul û reng û geş î

Mektuba dostê mehweş î

Dost û evin û şekerin

 

Bihna ewan dosta-j te tê

Çendan di nêrim vê xetê

Winda dikem pir ‘illetê

Ji suhbet û wek bi firîn

 

Mektuba babê ‘izzetê

Bê hed xuş û pir lezzetê

Gelek bi te sebra me tê

Îro gelek em şakir în

 

Ya babê ‘izzeddîn xuda

Zanî ji te nabim cuda

Ne-l ser xeta ne-l bin xeta

Bê te ti ca nasebir în

 

Piştî evan cumle qisan

Selamekî wek her kesan

Ey şahiya her meclisan

Ji bo te ra hem hadir în

 

Destan di bosim daîma

Du’an bikin her daîma

Du’a dikin def’a ğema

Wellahû xeyrulğafirîn

 

Malê dibosin pir gelek

Wan destê nazdar û belek

Dêjin ji vê zêde emek

Nabê ku çendan-d fekirîn


Ê Berê Încîleke 800 salî hat bidestxistin
Ê Li Pey Sitêrkên Bêjimar

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.