Hicrana ’Hebîbê

Hicrana ’Hebîbê

Şêx Şemseddînê Qutbê Exlatî yê Birîfkanî

 

Me’hbûbê, qede’h dîsa ji nû daye vi dest im

Elmînnetû lîllah ku dîsan waleh û mest im

 

Vemxwarî ji xumxaneyê ’işqê ezelî, mey

’Eql û dil û dîn cumle biçûn nû ve ji dest im

 

Me’hbûbê, bi xwe şerbetê safî ku vi min da

Vemxwarî û ji kullê ’elayîq, bi perestim

 

Şehmarê ğemê ’işqê dîsan, ser ku hilîna

Feryad û fîğan kev dilê mecrû’hî, bigest im

 

Weh weh ku dilê sohtîyê bêçare ji dest çû

Ev dil ne tenê belkî bi cewher, çi kû hest im

 

Ez bê dil û hem miflis û dîwane, digerhêm

Dil burde û gîyan sohtî û bêçareyê qest im

 

Bê sebr im û bê fehm im, bê sukne û aram im

Hetta ku cemala te bibînim, kedperest im

 

Ney mest û cinûn ez, ji ğemê ’işq im

Serxweşê meya ’heq bûm, hêj roja elest im

 

Xoş şefqetê î’hsanî kirim bû ew nî dûrî

Der’halê te da meqsed û her çi, ku dixwestim

 

Ev xelwetî er nale bikitin, lome mekin hûn

Rastî ku ji hicrana ’hebîbê, herî West im.

 


Ê Berê Dil Bi Kul im
Ê Li Pey BÎSMÎLLAH

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.