ÇAR

Article

Çarde salî hêvçardeyî û çardan
Bi her halî xweş û şadî li merdan

Zargotinek çi xweş çi rind ev çarde
Di temenek sal reş hêrand lê ar de

Heştêheştên li çardeha nîsanê
Li bihuştên wê wargeha Barzanê

Dewr û berên li bendava Dokanê
Sêwîzarên ji dêw bavan dû manê

Hêviyek xweş li çarşemê poşîn e
Tarî û reş çi ji çemek weşîn e

Mirin li ser mirinê deng vedaye
Dijmin bi her ayînê seng lêdaye

Di çardeha xwe de behar çilmisî
Li wargeha xwe ‘eyb û ‘ar kurisî

Ji kirêtyar divê bipirs rûmetî
Ne rûmetyar ku ew bitirs j-kirêtî

Di çardehê çarşem reşî seyandin
Di çardehê çarpar êşî hejandin

Ji mirovên ğedar dûrî mirovan
Wek ji hovên deng zirborî ew heywan

Û dikojin dibirêjin disojin
Diqetînin û dikujin mêr û jin

Dê ji bîna wan kulîlkan ar çandin
Di evîna dû zarokan vejandin

 

Hestên giran dilên bêwar bendewar
Bi wan zaran îro li dar rabe çar

 

 

 

Di debarê nivîskar de

Têhev

1

Gotar

Mistefa Rêzan

Ê Berê
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.