Ev Çi Bûn Kuştin

Article

Ey bira halin nedir soyle soyle

Ev çi bûn kuştin ne bê derb û gule

 

Ma çima nabêje min halê xwe lo

Go çi bêjim min ne çar û havîle

 

Zû bibê ez çare zanim bîlyeqîn

Feyde nadit el eman û helhele

 

Go hewar êşê me zehf in bê hîsasb

Naê saliğ gotin ew derd û bele

 

Her cihê min jê dizên ah û elem

Bê ğedar ‘eql û dil û wîjdan dil e

 

Me’newî rûhî birîndar im bizan

Axîret baqî heyat lê zelzele

 

Em ketin dewr û zemanek pir ‘ceeb

Enbiyan jê kirin te’wîz bîle

 

Fitneê axirzeman wek seyl û ley

Jê gujîna mewcê bîd’ê qatil e

 

‘Emmetîl erde we temmet bîttemam

Qellebet mînhel e’alî esfel e

 

Meshî kir her cî, ne fitlî kes ji ber

Berneda qet keskî îllah eşğele

 

Lew ku mülk û xizmeta ewlad û mal

Weqt û firset bir ji dîn mam cahil e

 

Meşğelê derdê me’îşet ez kirim

Gêj û bêhiş mest û sersem ğafil e

 

Qet nizanim kî me, ji ku da, ku diçim

Ev çi te’yîn sewqiyatê hail e

 

Ha ku dîm pîrê zewalê kir merheba

‘Umr û mehbûbên dinê bûn afile

 

Va diçim îdî huzûra Rebbê Heq

Destevala şermezar û ğafil e

 

Min ji para meyzekir zenb û gunah

Wek çiya ser dane ser hehev qafîle

 

Ğeyrî rehma bê hîsab cehê hebîb

Nîne melce’ bo me îmdad havile

 

Kor û kerr û bê heş hubba dine

We ci îbret bigre ma qey ‘aqil e?

 

‘Umyû bûkm û sûmm û gêj û ê meta’

Ew di bin “La ye’qîlûn” da daxil e

 

Hakeza “La yesme’ûn la yûbsîrûn”

Lew ku ekser bûne êş û kar File

 

Subh û êvar peyv û gotin kar û îş

Daîma didro dikkt nakit qul e

 

Mestî hubba cah û rütbên dunyewî

Werdekî bêje nebey nabit şil e

 

‘Ebdê nefs û zeng û pertalên dine

Fî ‘utuwwîn we ğurûrîn batil e

                                                          

Digre dunya xwe li ser axret, bi keyf

Yestehîbbûnel heyatel ‘acil e

 

Lew di îşê dunyewî her yek jime

Şibhê Eflatûn ‘ebûqat bilbil e

 

Lê di axret wê heyeta sermedi

Bê xeber, ‘bdal we hov û zahil e

 

Ye’nî weqta nef’û peyvê dunyewî

Teyb û radar û hekem Qarlaîl e

 

Lê deme we’z û ‘emel teklîfê dîn

Pir şemûs û hîlekar û zeğel e

 

Sanki de’wet lem yezîd îlla firar

Ayeta “La yercî’ûn” heq nazil e

 

Dehşetê afat û tofanê zeman

Em gelek pê bûn rezil û rewlete

 

Lew di exlaq û ‘emel da lê binêr

Sanki wek hev, Ehmed û Xaçoyê file

 

Vaye Pêğember jî gotê der xeber

Hûnê wan te’qîb bikin heta qul e

 

Belkî ê wek min ji wan wê dajî çûn

Fîssefahatîl ûmûrîlbatil e

 

Em wiha mane feqîr bêkes neçar

Ka bibê kî bûme îmdad havil e

 

------------------

Havîle: Bêçare

Bele: Bela

‘Emmetîl erde we temmet bîttemam: Erd temam îşğal kirine

Qellebet mînhel e’alî esfel e: Serî aniye binî, binî jî aniye serî

Meshî kir: Dest dayê

Eşğele: Bi xwe mijûl kir

Hail: Bi xof û tirs

Pîrê zewalê: Mirin

Afile: Windabûn

‘Umyû bûkm û sûmm û gêj û ê meta’: Kor û lalîtî û gêjîtiya dinyayê

Kar File: Ê ku kare wî wek kare fila ye

Werdekî bêje nebey nabit şil e: Tu bikî nekî wek werdekê şil nabe

Fî ‘utuwwîn we ğurûrîn batil e: Di tekebbür û ğurûra batil de ye

Yestehîbbûnel heyatel ‘acil e: Ji heyata ‘acil hesdikin

Zahil: Ğafil

Şemûs: Serkêş

“La yercî’ûn”: Ew tu car nazivirin

Rewlete: Li erdê dirêjbûn

Fîssefahatîl ûmûrîlbatil e: di sefahet û karê nebaş de

 

 

Di debarê nivîskar de

Têhev

1

Gotar

Mela ‘Elî ‘Ilmî

Ê Berê
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.