Sitrana Şehîdên 6 û 7 Tişrîna Ewil

Article

Berxê lawo!

Delalo! Delalê ber dilawo

Heval û hogirê berxê mi vegerîn hatin mal

Ez nizanim hal û hewalê berxê min çewawo

Bê delalo! Delal delalo! Delalê min delalo

Delal delalo! Delalê ber dilawo

Bê de berxê tu delalî

Delalê ber dilê minî

Sibe ye sibeha şerîf 

Wextê ‘îd û ‘erefata

Hecî çûne hecê

Li Meke û Medînê ne

Ezê rabim delalîkê ber dilê xwe bi xemlînim

Ji bo nimêja ‘id û  ‘erefatê

Li ser xêr û selametê

Verê kim nav ummetê!

Berxê min lawo

Berxê lawo

Delalo delalê ber dilawo

Heval û hogirê berxê mi vegerîn hatin mal

Ez nizanim hal û hewalê berxê min çewawo

Bê delalo! Delal delalo! Delalê min delalo

Delal delalo! Delalê ber dilawo

Bê de berxê min delal e

Delalê ber dile minê

Gava berxê min xemilî ji mal derket

Go de dayê sibe ye xweş sibe ye      

Payize payiz xêre

‘Ecêba li ser ‘ecêbê

Bêhna gul û guldexwîna tê

Bihar nîne ku ez bêjim

Wextê gul guldexwîna ye

Bêhna wan tê

Ji zozanê jorîn

Çiyayê Qerejdağê

ji deşta Diyarbekir

Gelo bingeha vê bêhna xweş

Çiya û deşt e yan

Cenneta baqi û beheşt e daye

 

Berxê lawo

Delalo delalê ber dilawo

Heval û hogirê berxê mi vegerîn hatin mal

Ez nizanim hal û hewalê berxê min çewawo

Bê delalo! Delal delalo! Delalê min delalo

Delal delalo! Delalê ber dilawo

 

Min go berxê lawo

Ez nizanim ku guhê min ker e

Çavê min kor e

Pozê min xitimî

Tiştê tu dibînî ez nabînim

Bêhna ku tê te

Digerim nagerim li der û dora xwe nabînim

Heval u hogirê te çûne camî û cimaeta

De rabe lezke bi lezine

Li ser xêrê ji refê xwe dûr nemine

Belkî Rebbê alamê xaliqê jorin mîrê keremê

Oğira te li ser xêrê bigerine

 

Berxê min lawo!

Berxê lawo

Delalo delalê ber dilawo

Heval û hogirê berxê mi vegerîn hatin mal

Ez nizanim hal û hewalê berxê min çewawo

Bê delalo! Delal delalo! Delalê min delalo

Delal delalo! Delalê ber dilawo

 

Êvar e xweş êvar e

Kele kela dilê min

Di kelije wekî nanê li ser sêlê

Dil û cergê min peritîn

Hatin xwarê

Xwedê li ser xêrê bi gerîne

Ba tê baran di lîlî ne

Ez nizanim çi bû çi qewimî çi rijiya

Ba û baran bi hev re şînê di gerine

Li hev ket çemê dîcle

Pêl bi pêl xwîna sor dikişîne

Berxê lawo 

 

Berxê lawo

Delalo delalê ber dilawo

Heval û hogirê berxê mi vegerîn hatin mal

Ez nizanim hal û hewalê berxê min çewawo

Bê delalo! Delal delalo! Delalê min delalo

Delal delalo! Delalê ber dilayi

 

Berxê êvar e xweş êvar e

Hudhudê dilşikestî

Li dora dayika te diçe tê

Per û baskê xwe di hejîne

Ji şeveqa sibê de hem digrî hem di nale

Nizane çi bêje çi nebêje gelo pir bê hale

Min go hudhudo! Malmîrato! Bes binale

Ka bêje teyro te çi hale çi hewal e

Go de dayê,

De dayê rebenê

Porkurê hêsîrê nemayê li dinyayê

Gurê devbixwîn

Keftar û heywanên har

Ji çiya daketin bajar

Di  ‘îda Qurbanê de çol û çiya kirin gola xwînê

Gelek însan ji xwe re kirin qurban

Berxê te bi mêranî

Bi cenneta baqî şa bû

Vêga cîranê Hesen û Huseyna ye

Min go Kula Xwedê bi kulbe

Bikeve derê mala sebeba

Belkî xêrê ji can û malê xwe nebînin

Ûcağê wan kor be li dinyayê bê urt û ocağ bimînin

Kevirê wan li ser kevira nemine, genim bajon zîwana reş hilînin

Ax felekê qol xayinê

Xwezî ji xêra Xudê ra

Dema li berxê mi dibû pêsîrtengî

Bira te ra derketa serê Huseynê welî

Hesen û Sulhedînê bira

Na wele Muhemmed ‘Eta ye

Berxê lawo

Delalo delalê ber dilawo

Heval û hogirê berxê mi vegerîn hatin mal

Ez nizanim hal û hewalê berxê min çewawo

Bê delalo! Delal delalo! Delalê min delalo

Delal delalo! Delalê ber dilawo

Di debarê nivîskar de

Têhev

19

Gotar

Ê Berê
Ê Li Pey TEW DINYAYÊ

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.