MESELA ME VAN BIÇÛKA

Article

Mesela me-l ser van biçûka, mesela me-l ser qîz û bûka 
Hêvya me bighên ji nûka, şeng û şên kin xanîw sûka 

Mesela me wa gundîno em li darxin hey cundîno

Bihayê zîv û zêrîno pêşwazya me van zaroka

 

Xizna me ya îstîqbal in roj û şeveq qern û salin 
Dest berdin ji qîl û qal in xwedî derên li biçûka 

Ser gundê me mij û dûman kes ne dîne ne pê gûman

‘Âlem çû jor em jê dûr man rê girt li me berf û pûka

 

Gundî ji gefa bê hest in govend û şahî daxistin 
Deşt û zozanê me girtin çeqel û rovyê xasûka 

Çeqel û gurê dev bixûn li sebyê me bi şop û şûn

Ewladê me revandin çûn em ‘evdal man wek pepûka

 

Ev bagera vi zemanî bextek bi reş ji mer anî

Ewladê me biçûkanî qel'andin çûn van bapûka

 

Xwedyê armanca qirêj in, ji jor de mirin dirêjin

Nahêlin zarûk bighêjin, me dikujin bi qestûka 

 

Çar alî girîn û hewar, biçûkê me yên sitû xwar 

Nav û dilê me tînin xwar, bi qêrîn û van axûka 

 

Sotin dila car yetîm bûn, carna biçûkî şehîd çûn 

Xort û zava hin ‘egît bûn, hunda bûn van qîz û bûka 

 

Gundîw cîran de ka rabin, li rasta cîhan xwîya bin

Çavnas û jîr û zana bin, bi firê xin teyr û çûka

 

Ez heyrana van ‘egîda, bi sond û ‘ehd tên ji wêda

Şûr girêdan mertal pêda, gundê me paqij kin zûka

 

Deşt û zozana paqij kin, kund û şebşeboka kiş kin 

Dekê dujmin hûr û xiş kin, tu car guh nedin çîroka 


Werin nesla nû ava kin, azadîya me da'wa kin

Hêjayê destê xwe şa kin, bighînin em van zaroka

 

Biharek nû ewê bînin vê ‘erda me bi xemlînin 
Serazad û hur bifrînin, nîvê ‘ezman bafiroka

 


Zarokê gundê cennete, merhema dilê ummetê

Li dor Qûran û sunnetê, bi xweynin ‘ilm û pirtûka

 

Xort û zava û bûk û qîz, bi cehd û exlaqê temîz 
Xelas kin ummeta ‘ezîz, serfiraz kin me hemûka

_________________________________

 

 

Axûka:  Ah vah 

Bafirok: Uçurtma 

Bapûk: Tipi 

Darûk: Çam ağacı 

Gef: Tehdit 

Hest: His

Pêşwazî: istikbal 

Pûk: Toz şeklinde yağan kar 

Xasûk: Kurnaz 

Xiş: Hurdahaş 

Di debarê nivîskar de

Têhev

8

Gotar

Fethullah Yalçin

Ê Berê DUNYA DEREWÎN
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.