MONA ROSA (WERGER)*

Article

*"Wergera ji Tirkî: Cevdet Karaman

 

Mona Rosa! Gulên reş, gulên sipî

Gulên Geyweê û doşeka sipî

Teyrê baskşikestî mer‘hemet dibê

Ax! Dê ji ruyê te ‘xerqî xwînê bibit

Mona Rosa! Gulên reş, gulên sipî

 

Di ‘hewtin li hember heyvê çeqqelên qirêj

Kevroşk bi tirs li çiya dimêzînin

Mona Rosa! İro ‘halek li min peyda ye

Baran bi gujeguj dadikevit ser axê

Di ‘hewtin li hember heyvê çeqqelên qirêj

 

Paca xwe veneke daxîne perda

Mona Rosa! Dibê ez te nebînim

Mirina min yek awirek te dipê

Fêrbî Mona Rosa ez ji ‘alemek dinim

Paca xwe veneke daxîne perda

 

Darên zeytûna, sîya bîyê

Ji nîk min hildikşê ronahîya rojê

Gustîlek nîşanê çingînek ji derî

Her dem te tînit bîra min

Darên zeytûna, sîya bîyê

 

Li cîhên herî tenha vedibin zembeq

Her we‘hşîgul heye ‘xurûrek

Bayê ku sekvan e li paş mûmê

Her dihejînit rû‘hê minê bê ronî

Li cîhên herî tenha vedibin zembeq

 

Destên te, dest û tiliyên te

Te dibê ku gulnarek dihêrit

Kifşe jin ji destên di xwe

Herwekî ku dimeşin di bin be‘hrê

Destên te, dest û tiliyên te

 

Çi zû dibore dem Mona!

Sa‘et donzde ye lembe vemirîn

De razê bila quling bên xewna te

Hewqas bi ‘heyret nenêre li asîman

Çi zû dibore dem Mona!

 

Teyrên hêjîra êvara tên,

Datînin li ser hêjîrên ba‘xê di min

Hin rengsipî ne hin rengzer

Ax! Xwezî min bikujin di dewsa teyrek

Teyrên hêjîra êvara tên

 

 

Mona Rosa! Ezê te bibînim

Di awirê teyrên hêjîra de

Ji jînê dadigrit vê bixêlîya vingîvala

Ew awirên teyên masûm di qeraxê avê de

Mona Rosa! Ezê te bibînim

 

Rosa! Wilo bi dilşikestî nenêre li ruyê di min

Te hêj ji min guhdarîya sitranan nekir

Evîna min wilo bi her sazî nakevit

Sitrana herî xweş qerşûnek dibêj

Rosa! Wilo bi dilşikestî nenêre li ruyê di min

 

Keça muhacira! İdî bawerke ji min

Bibhîz û qebûl ke î’tîrafa di min

Janek sar, hêşîn û ‘xerîb

Wek pêtîyên agir rapêçaye canê di min

Keça muhacira! İdî bawerke ji min

 

Meger piştî barana şîn dibûn sinbil

Meger mêwe bi sebrê di kemilîn

Rojek bimêzîne ta li hundurê çavên di dimin

Tê fêr bîbî bê ka mirî bo çi dijîn

Meger piştî barana şîn dibûn sinbil

 

Bazinên di zêrîn ew tena bêhnxweş

Bila bersîvê bidin vê purta çivîkê

Ew purta ku can didit di o‘xira vebeşirîna te

Ew purta ku girtîye ji şev û rojê re

Bazinên di zêrîn ew tena bêhnxweş

 

Mona Rosa! Gulên reş, gulên sipî

Gulên Geyweê û doşeka sipî

Teyrê baskşikestî mer‘hemet dibê

Ax! Dê ji ruyê te ‘xerqî xwînê bibit

Mona rosa! Gulên reş, gulên sipî

 

 

Di debarê nivîskar de

Têhev

8

Gotar

Cewdet Karaman

Ê Berê GULDESTEYÊN BIJAARE -2
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.