TAWİZ

Article

Yo şaristan dı yo dik bıbi. Her roj ver nımajê sersıbay dı ezan dênı. Rocek Waharê ey vano:

İtara pey ezan medı. Eg mı eşnawıt, tı heyna ezan bıdi ez wirdi çımanê to tera vejeno.

Diko vengweş zaf terseno. Xu bı xu vano:

- Ina zaruri, astengê mı kena mubah. Semedi xelasê coni xu lazımo ita ra pey ez ezan nêdi. Labelê diki Homayi zaf i, ey ezan dani.

Diko vengweş  o roj ra tepiya wendışê ezan ra fek dano vera. Bênatı ra çend hefteyi viyereni waharê ey heyna yeno u vano:

-Diko! İta ra pey tı zey kergani vani qıııt qıııt qıııtt qıdaakk…. Ez teselê to kena. Eg tı ze mı nêker ri ez peran u pırçê to rucıknena u tı beni aluz.

Diko tersanık ına tersnayış ra dıma diki ra zi fek dano vera. Konu miyane kergan u qerri u naliyê qıııt qıııt qıııtt qıdaakk, qıııt qıııt qıııtt qıdaakk…. kona ser.

Miyan ra yo  aşm viyerena waharê diki heyna yeno. Ina hewê zi vano:

-Eg tı ita ra pey zey kergan hakan nêkeri ez to bırnena u kena letı letı.. Yo terseka pil kona zerre diki u nışenu ru hem bermeno hem zi vano:

-Wereka mı wendışê ezan vera nêdêni u wendışê ezan ser ez bımırên. Ez çendek waharê xu ra terse ya o ındek ameyo mı ser.

Eyru halê Bısılmanan zi ze ına mesele ya. Têkı bısılmani vanê qê vate zalıman u duşmenanê homayi biyari ca,  zulm u bındesti xelesiyena. Labelê xelasi ona niye. Xelasi goş dayışê ayetanê Homayi dı ya. Xelasi u reheti tersê Homayi dı ya. Homa teala kıtabê xu yo mubin dı vano:

“…Kamo ku homayi ra bıterso u xu bıpawo homa ci ri yo ber keno   a . O cayo ku o qet hesap nêkeno homa tera rızıq dano cı. U kam homayi ri tewekul bıkero homa yi ri beso. Bışek homa emir u gurê xu resneno peyni. Bışek homa semede her çi yo teqdir u yo wext no ru”.[1]

Ey kese ku şıma imon ardo. Pê layıqi, homay ra bıtersên u bısılmanti sera bımırên.”[2]

“…Teyna mı ra bıtersên.”[3]

“Nimetê homayi ku şıma sera u ay ahde ku  Homay şıma ra gıroto, Wexteko  şıma va: Ma şınawıt u itaet kerd.  Biyarên xu vir.  U Homay ra bıtersên. U bışek homa zere sinıyan (qelban) hol zonu.” [4]

Nureddin KAWARİ

 

 

 



[1] (Sureyê telaq: 2-3)

[2] Sureyê Ali imran 102

[3] Sureyê Bakara 41

[4] Sureyê Maide 7

 

Di debarê nivîskar de

Têhev

6

Gotar

Nureddîn Kawarî

Ê Berê MEVÊŞ ZERRE
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.