Bȗyerek Balkêş: Ziman ȗ Peyam - Kelhaamed

Bȗyerek Balkêş: Ziman ȗ Peyam

Article

Pesn û hemdên bêjimar ji Rebbê me Xwedayê ‘Alemanre bin. Gelȋ xwȋnerên hêja. Emê di vê nivȋsa xwe de ȋnşaallah li ser bȗyereke rasteqȋn rawestin. Ev bȗyera ku ewê bê qalkirin di heyama ȋro de qewimiye. Di vê bȗyerê de ji me kesên bawermend re gelek şȋret ȗ hişyarȋ hene. Divê em jȋ, ji van şȋret ȗ hişyariyên Ȋlahȋ bêpar nemȋnin. Bêguman Xwedayê Te’ala van bȗyerên hanê bi awayekȋ bi hȋkmet ȗ zanayȋ nȋşanȋ me ȗ civakê dide. Nexasim ji bo kes ȗ civakên bawermend, jê sȗdê wergire. Ên ji vê bȗyerê sȗdê bigrin, ewê heqȋqetê hȋn baştir bibînin. Jixwe di encamê de tiştê ku Xwedayê Te’ala ji me dixwaze jȋ ev e. Mirov heqȋqetê bibȋne ȗ li gorȋ vê heqȋqetê jiyana xwe bixemilȋne ȗ tevbigere.

Ev bȗyer li parêzgeheke welatê Tirkiyeyê, li bajarê Yozgatê diqewime. Merivekȋ bi navê Alparslan DȖRDȖ dozdeh sal berȋ niha li bajarê Yozgatê di qezayeke trafȋkê de dikeve komayê ȗ ev helwesta wȋ dozdeh salan didome. Ev kesê hanê berȋ qezaya trafȋkê bi cotkariyê mijȗl dibȗ. Temenê wȋ şêst ȗ çar sal bȗ. Rojekê diçe dawetê ȗ di vegerê de qezaya trafȋkê derbas dike. Di vê qezayê de bi giranȋ birȋndar dibe ȗ wî radikin nexweşxaneyê. Nêzȋkȋ diwazdeh salan di komayê de dimȋne ȗ bi awayekȋ bi makȋneyê ve girêdayȋ dimȋne. Jȋyaneke sekinȋ ȗ bêtevger dibihurȋne. Ji bo ji vê nexweşiyê rizgar bibe bijȋşkan ji sedȋ sê ȋhtȋmal didan pȋreka wȋ. Pȋreka wȋ Nahȋye DȖRDȖ bi hevȋ ȗ sebir ji ber serê zilame xwe qet ranebȗ ȗ di vê pêvajoya nexweşiyê de rêhevaltiya zilamê xwe kir. Her çi qas bijȋşkan ji sedȋ sê ȋhtȋmal dabȗyê jȋ ew li cem xwe bi hêvȋ bȗ. Digot dibe ku rojekê bi rewşeke xerab be jȋ rabe ser xwe ȗ bi min re bipeyive. Her dem di vê baweriyê de bȗ. Hêviya xwe wenda nedikir. Rojan berra dȗ rojan didan. Dem diherikȋ. Êdȋ wexta “Kun feyekûn” hatibȗ.

Piştȋ diwazdeh salan Alparslan DȖRDȖyê li nexweşxaneyê di komayê de bȗ, bi awayekȋ mȗcȋzewȋ ji komayê radibe. Jina wȋ bi vê yekê pir kêfxweş dibe. Lewra ev xebera mizgȋniyê zêde berdewam nake. Lê belê zilamê wê ji komayê derketibȗ ȗ bi zimanekȋ qet berê nebihȋstibȗ diaxivȋ. Jina wȋ ȗ kesên derȗdorê ‘ecêbmayȋ ȗ matmayȋ man. Ji aliyekȋ jȋ neçar mabȗn. Pȋreka wȋ ji bijȋşkan alȋkarȋ xwest lê mixabin tu kes nikaribȗ jê re bûbȗya alȋkar. Heta ku rojekê kesekȋ li vê nexweşxaneyê berdestȋ bȗ, tewafuqî di wir re derbas dibe ȗ li vê bȗyerê dibe şahȋt. Ev kesê hanê tê cem jina wȋ ȗ jê re wiha dibêje: “Ev zilamê ku dipeyive bi kurdiya soranȋ diştexile.”

Bi saya vȋ kesê hanê bȗyer zelal dibe ȗ jina wȋ fam dike ku zilamê wê bi kurdiya soranȋ dipeyive. Lê belê ev kes di jiyana xwe de qet neçȗye nav Kurdên soran. Gelo çawa dibe ku ev kesê hanê ji komayê çawa çavê xwe vedike dest bi soranȋ dike. Xwedayê Teala ev kesê hanê ne bi awayekî ji rêzê hilbijartiye. Ev kes gava ku li ser xwe bȗ “Komeleya Yozgatliyên Welatperwer” ava kiribȗ ȗ bûbȗ damezrêner ȗ serokê vê komeleyê. Çawa ku ji navê wê jȋ dixuye ev komel komeleyeke neteweperwer e. Ji van pênaseyan em hȋn dibin ku ev kes yekȋ neteweperwer e. Ango Xwedayê Teala ev bȗyera balkêş ji bo peyamekê bide kes ȗ civakên bawermend kesekȋ guncav bijartiye.

 Piştȋ xismên Alparslan DȖRDȖ pê dihesin ku ew bi zimanê Kurdiya soranȋ dipeyive, tavilê selam ȗ kelama xwe jê dibirin. Têkiliyên xwe qut dikin. Wȋ ji komeleya wȋ ya bi navê “Komeleya Yozgatliyên Welatperwer” a ku wȋ bi xwe ava kiribȗ diavêjin. Pȋreka wȋ, hem jibo ji komeleyê tê avêtin hem jȋ jibo xismên wȋ têkiliyên xwe jê dibirin, şok derbas dike. Ji ber vê serpêhatiyê, pȋreka wȋ gelekȋ xemgȋn dibe. Lewra piştȋ diwazdeh salan zilamê wê ji komayê derketibȗ divê kêfxweş ȗ dilşad bûbȗya. Lê wê helwesta xism ȗ kesên derȗdora wê ev kêfxweşȋ di qirika wê de hiştin ȗ nehiştin bextewar bibe. Jina wȋ dikeve rê ȗ berê xwe dide kurdistana başȗr. Armanca wê ew e ku li wir kesekȋ wergêr bibȋne. Ango kesekȋ soranȋ ȗ tirkȋ zanibe peyda bike ȗ bi vȋ awayȋ bi zilamê xwe re têkiliyê bike. Ev bȗyer bi awayekê balkêş ȗ bi hȋkmet diqewime ȗ weke ku me dȋt diqede.

 Xwedayê Teala di vê bȗyerê de bi navgȋna kesekȋ balkêş çend peyamên girȋng digihȋnê me. Dema ku em li vê bȗyerê dinihêrin em dibȋnin ku ev kesê bȗyer li serê wȋ qewimîbû, bi eslê xwe Tirk e ȗ keseki welatperwer e. Heman awayȋ serok ȗ damezrênerê komeleyeke netewȋ ye. Divê ev xalên hanê bala me bikşȋnin. Xwedayê Te’ala li ser kesekȋ wiha şaşȋ ȗ qisȗrên me nȋşanȋ me dide. Ango Xwedayê Te’ala dibêje gava ku ez bixwazim dikarim te Tirk an jȋ Kurd an jȋ wekȋ din biafirȋnim. Divê tu ji ber qewm ȗ netewa xwe qet xwe nepesinȋne. Qewm, êl, netew, renk ȗ her wekȋ din ji bona we ne pȋvaneke qencbȗn ȗ pesinandinê ye. Kesên qenc, baş, xweşik ȗ li ba Xwedayê Te’ala bilind ȗ pêştir ên ku bi teqwa ne. Tenê ji bo razȋbȗna Xwedayê Teala dijȋn ȗ di çarçoveya helal ȗ heraman de tevdigerin. Netew, erdnȋgarȋ, ziman, êl, zayend, reng ȗ her wekȋ din ji bo kesên bawermend tu carȋ nabin pȋvan ȗ rêzik. Ev taybetiyên xwezayȋ wek navgȋn û amȗr bikar tȋnin, divê tu carȋ ev amȗr nebin armanc ȗ nekevin pêşiyê. Kesê ku dibêje ez misilman im an jȋ bawermend im, armanc ȗ amȗrê tevlihev neke. Ji bo me bawermendan armanca pêşȋn razȋkirina Xwedayê Te’ala ye. Divê ji bo em bigihȋjin vê armanca pȋroz, em dikarin her amȗrên helal bikar bȋnin. Ji ber vê yekê ev tiştên ku Xwedayê Te’ala di hatina me ya dinyayê de li me bar kiriye ȗ guhertina wê ne di destê me de ye, em ji xwe re nekin nakokȋ ȗ ȋxtilaf. Ew tiştên ku neyarên Ȋslamê dixwazin me pê ji hev dȗr bixin ȗ bêhêz bihêlin, em neyên lȋstikên wan.

  Lewra em baş dizanin ku Xwedayê Te’ala di Kîtaba pȋroz “Qur’ana Kerȋm” de gava ku pênaseya biratiya rasteqȋn datȋne wiha ferman dike: “Kesên ku bawermend in ew bi tenê birayên hev in” Ev pênase ne pênaseya me ademȋzata ne. Ev pênase, pênaseya Rebbȗl alemȋn e. Divê em jȋ li gor vê pênaseyê jiyana xwe rast bikin. Lewra yê teqez ȗ têkȗz Xwedayê Teala ye. Dawiya doza me her dem şikurkirina “Xwedayê Rebbûl Alemîn” e.

 

FERHENGOK

 
 

KURDÎ

TIRKÎ

 

ademȋzat

Yaratmak.

 

amȗr

Amaç

 

balkêş

İnançlı, Müslüman

 

Bêguman

Hizmetli

 

bijartin

Olay

 

civak

Kurucu

 

êl

Coğrafya

 

ferman

Önemli

 

guncav

Tavır, Tutum, Davranış

 

komele

Ol der oluverir. ( Allah )

 

Lewra

Baka kalmak, Şaşkınlık

 

nakokȋ

Araç, Vasıta

 

netew

Ulusalcı, Milliyetçi

 

nȋjadperest

İl, Vilayet, Eyalet

 

pesinandin

Süreç

 

peyam

Kurtulma, Kurtuluş

 

serpêhatȋ

Fayda, Yarar

 

têkilȋ

Mükemmel, Eksiksiz

 

temen

Kesin, Mutlak

 

welatperwer

Nokta

 

xisim

Okur

 

Di debarê nivîskar de

Têhev

5

Gotar

Mamoste Ehmed Dêrikî

Ê Berê ZILAMÊ DEWLEMEND Ê KU DIXWEST BEXTEWAR BE
Ê Li Pey Teknolojî Çiye û Sûd û Xisarên Wê Çawa Ne?

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.

    Zêdetir