Xwedê Gazî Bal Cennetê Dike

Article

 

Resulê Xwedê di 'hedîsekî go ji Xwedê rîwayet kiriye wiha keremkir:

"Allahu Teala başî û nebaşîyê nivîsî, pişt re wiha beyan kir:

Kî bixwaze başîkê bike lê belê çênebe, Ellah ‘Ezze we Celle jêra xêrekî tam dinivîse.

Eger kesek bixwaze başîkê bike û kir, Ellah ‘Ezze we Celle wê başîyawî bi deha û 'heta heftsedî xêr, 'heta qat bi qat zêdetir dinivîse. Kî bixwaze nebaşîkê bike lê belê devjêberde û neke, Ellah ‘Ezze we Celle jêra xêrekî tam dinivîse. Eger kesek bixwaze nebaşîkê bike û kir, Ellah E’zze we Celle ji bo wê nebaşîyawî bes gunehkî dinivîse." (Bûxarî û Mûslîm)

 

Belê birayên 'eziz!

Di vê 'hedîsa qudsî go ronîya çavême ji Ellah Te'ala rîwayet kiriye, Xwedayêmeyî Re'hman, re'hm û dilovanîya xweyî bê 'hed û hîsab bi me dide naskirin. Rebbê me ji bo ku em bikevin bin sîya re'hma wî derîye xêrê tev ji mer vekirîye. Naxwaze 'ebdê wî bikevin cehenemê bil'ekis dixwaze tevekê ummetê bikevin cennata wî ya ku ji bo wan hazir kiriye. Rebbemê wiha keremdike:

"Xwedê jî bi destûra xwe gazî bal cennetê û lêborînê ve dike..." (Beqara 221)

Eger ku ev re'hm û dilovanîya Rebbême tunebe, hem maddî û hem ma'newî emê xesirandî, behdilandîbin û reya hîdayetê ji me ne didî. Xweda di Quran'a Kerîm de wiha kerem dike;

"Eger ne ji fedl û re'hma Ellah ku li ser weye be ewê 'halê we çawa bibe." (Nûr 20)

Tê fehmkirin ku ne ji mer'hemeta Wî be ne mumkune em bijîn.

Belê xwendavanên 'eziz!

Ji nîşanên rehma wîye ku em nîyet bikin ji bo qencîkî, le belê astengikî derkeve û em wê qencîyê nekin, Xweda ji ber nîyeta meya baş xelatekê dide me, wekî ku me kiribe hîsab dike û sevabekê ji me re dinivîse. Li gorî vê niyeta qenç jî, ji mere sewab tê 'hesêbkirin. Ya muhîm ku em nîyet bikin, çunkî ‘emel bê nîyet çênabe. "Mu'heqqeq 'emel ligorî nîyetaye."

Ji nîşanên rehmawîye ku em nîyet bikin ji bo 'emelekî baş û em pêk bînin, Xweda qencîkê bi deha qebûl dike. Ev mukafat derdikeve hetta heftsedî. Hîn jî heye, eger 'ebd wî 'emeli bi ixlas û ji dil kiribe sewaba wî li ba xwedê hîn jî zêdetir tê nivisandin.

Belê, tu vê Re'hma xwedayî bê 'hed û bê 'hîsab dibînî...

Ji nîşanên rehmawîye go em bixwazin xerabîkê bikin û dû re devjêberdin yanî em karin bikin lê belê bi sebeb tirsa ji xwedê em devjêberdin sewabekî tam jimer dinivîse Rebbêmeyî Re’hman û dilovan.

Ji nîşanên rehmawîye ku; em xerabîkê bikin û gunehek tê nivîsandin. Ji vê jî tê fehmkirin, Însan xerabîkê ji fikrê xwe derbas bike pê gunehkâr nabe û pê ne mesûl e. Hetta ku em pêk neynin û nîyeta xwe qetî nekin.

Xwedê me bike ji ehlê qencîyê û neke ji ehlê xerabîyê. Me ji re’hma xwe dur neke. Emanetî Xwedê bin.

Di debarê nivîskar de

Têhev

6

Gotar

Abdurrahîm Omerî

Ê Berê Heyatê Bi Qur’anê Bixemilînin
Ê Li Pey GUNEHÊN MEZIN

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.