MILK Û MAL HERDÛ YEK IN

Milk û mal herdû yek in keftine dest ehlê şîqaq

Nê sebeb ew bû ‘eyalî-dkir digel yek dû tifaq

Ev keçêt can û ter û tûl şûy-b nehevkûfa kirin

Wan heta mirnê nebir xoşî nedît keyf û telaq

Şam diket gazî Hicazê: Ka Yemen xuşka mezin?

Enadol xuşka meçînkirye ji efğanê fîraq

Mûsil û Beğda û Besra çûne xestê bê ‘îlac

Ka çewa wan sağ biket dayka birîndara ‘Irakq

Pûr e Kurdistan ketî çengalê bazî bê xudan

Pê ketin davê lewabê quwwet in çengal û saq

Tîreka-b çengê me keftî herdû pê-şkandin birin

Min ne fir maye ne çûn têjka ji birsê waq e waq

Milkê zirbabê rez û pez bağ û bîstan û sera

Medresa gazende xandin mame ber dîwar û taq

Ehlê nêçîrê divên ask û ğezal û kûtr û kew

Em bi çûk hawîş dibin gava me dîtin kab û qaq

Sîn û lam û ta elîf nûna çû terkîb bûne ma

Şîv lewa xav e ji tamê hate şûştin ew simaq

Meğribê-d gel meşriqê destê bi zorê kir dirêj

Dest û pê gerden ji me, jwan qeyd û zincîr û felaq

Kurte derpê me li çoka tenge ser sîngê kiras

Mewtenê ser lê tiraşî ka biraê xweş ‘helaq

Rûys û birsî man keç û kur day û baba sût ceger

Ehmed û ‘Ebdulkerîm ka? Evne Yûnank û Sihaq

Vê mû’emma min çi ‘helkin sofiyû şêx û mela

Çi dema nan hate halê kir ji yek dû îftîraq

Gote min pûrê birîna bes vekole tu-b Xudê

“Ehmeda” min roj û şev nalîn û ax in ay tifaq