TI BAWERI KENI

Article

Wextanêk yo Cini, tutanê dıleti ri dıhal (dıgon) manena. Miyan ra çend aşmi viyereni, ıni tuti zereyê rahmê dadi dı beni gırd. Hıni tay mendo ki inê tuti bızayi û biyeri dınya.

 Ina hel dı miyane ınê tutan dı yo munaqeşa vırazyena.

 Inê tutan ra yoyi Homayri imon ardu û zayiş dıma cuyayişri baweri keno. Tuto bini zi baweri homayi nêkeno û bêimono. zayiş dıma Baweri cuyayiş nêkeno.

 

Tuto bêimon vano: Ez qet zayiş dıma ra baweri cuyayiş nekeno. Tı baweri keni?

Tuto imonın: Belê.. Ez zayış dıma ra baweri cuyayış kena. Homayi itadı seni ma yo dalpe gunira xelq kerdi, ucadı zi ma xelq keno.

Tuto bêimon: Tı çara zoni ina çıyek esto?

Tuto imonın: Ez dadiya xura zona ki ina yo cuyayiş esto. Ma gereka hedreyi bari zayiş itadı bıvin. Gereka itadı ma xu xort bık u hol bıonên xu.

Tuto bêiman: Inê qali gejoni. İna çiyek çinyo. Zayış dıma qet cuyayiş nêbeno, xuri aqıl bo. Hem seni yo cuyayiş beno ki?

Tuto İmonın: Ez, Herçi tam nêzona labelê ucadı roşnayi esta. Reheti û hes esto. holi, bırati û insonti esta. Misal ma ucadı pê fekê xu aw şımeni û wer weni.

Tuto bêimon: Liya liya tı mı dı yâri keni!  Nakê ma esto, ma pê nakê xu wer weni û aw şımeni. Fek zi çara vecya. Hem uca ra yo tenı zi  tepiya nêgereyo a.  Ez hol zona ki bê zereyê dadi ma dı cuyayiş çinyo. Liya, ehmeq mebo, bıon reheti û keyfe xu.

Tuto imonın: A dınya dı zi cuyayiş esto. Labelê ıno cuyayiş senino ez nêzona. Çiyeko ki ez zona, ma ita dı pê nakê xu cuyeni. Lazımo ki waharê ıno naki bıbo. Waharê ino nakiri vani: Dadi. Homa biyaro weri ma zayiş dıma dadiya xu vineni. Dadi ma; ma dı eleqeder bena, ma herçi ra pawena û ixtiyaci ma vinena. Wer û awê ma temi kena.

 

Tuto bêimon: Tu va dadi…!! Tı baweri dadi keni?  Inê piyor qalê verinani û piyor xurafeyi. Sareyê tu zaf wışko û zaf tepiya mendi. Hıçêk modern bo.

Tuto imonın: Dadi her wext dorverê ma dı ya. Ma pê ay cuyeni. Eg dadi ma çıni bo ma seni itadı cuyeni?

Tuto bêimon: Indêk Geji besa. Çımê mı esti. Ez baweri kena çımanê xu kena. Mı pê ıni çıman çıre dadi nêdiya. Çıyeko ki Pê çıman nêeseno ez seni baweri cı kena.

Tuto imonın: Zırarê, baweri ına cuyayiş çıtayo ki? Eg ina yo cuyayiş esto ki, ez ına cuyayişri hedrı bena. Eg tı xu hedrı nêkeri, uca dı tı qahr û perişan beni. Eg ina çıyek çıni bo ez zırar nêkena.

 

Dadi va: Peyxmêr vato, İnson hê honı dı. Çı wext bımıri o wext beni haya û cuyayışo newı dest pêkeno[1]. Inka hıni tı zoni, Tı xu hedre nêkeni mekır. Ez baweri homayi kena û semedê o cuyayişi xu hedre keno.

ü  Gelo insoni ra nêeseno ki ma wu yo nutfa ra xelq kerdo. Wu cad ho beno duşmenêko eşkera.[2]

ü  Xelq biyayişê xu kerd xu vira û ma ri misal ardu û va: Gelo wexto astê biyê wellı, kam heyna yin keno gonı[3].

ü  Ey qasıdê mı, Vaj ki: Ayo ku ewil yi xelq kerdi, wu keno gonı û wu her qeydi xelq kerdışi hol zano[4].

 

 

Nureddîn KAWARÎ

 

 

( Hikâyede anne karnında doğumları yakın olan ikiz çocuklar, doğumdan sonra yaşam olup olmadığın tartışıyorlar. Temsili iman eden çocuk doğumdan sonra yaşamın olduğunu savunur. Temsili imansız olan çocuk ise doğumdan sonra yaşamın olmadığını savunur.)



[1] Hadis-i şerif

[2] Sureyê Yasin 77

[3] Sureyê Yasin 78

[4] Sureyê Yasin 79

Di debarê nivîskar de

Têhev

9

Gotar

Ê Berê DARA MI
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.