SERÊ XWE RAKIN BÊJIN TU RAST DIBÊJÎ

Article

 

REÇETA KURDAN

SERÊ XWE RAKIN BÊJIN TU RAST DIBÊJÎ

Û Hûn Ji Gotina Vê Gotinê re Deyndar in

Bi navê Xwedayê Rehman û Rehîm

S: - Tu dibêjî her kes bi ser hişê xwe ve hatiye û li dînê heqîqî digere, meyla dînê Îslamê dînê fitrî bi wan re çêbûye. Wek hawê em jî kor in vêya nabînin. Lê "tu îfratê dikî. Tu xeyalê wek heqîqetê nişan didî, me jî cahil dibînî û biçûk dibînî û tehqîr dikî. Îdî axirzeman e, çiqas here wê xerabtir bibe." Çimkî zemanê berê ji ê niha çêtirbû, 'ilm û exlaq û edeba Îslamî bi her kesî re hebû. Îro xelk van adaban biçûk dibinin.

C: - "Ji her kesî re dunya dunyaya tereqqiyê ye û hema ji me tenê re dunyaya paşketin û mi'ûztiyê ye ne werê? Kesê ku wiha bi fikire ka îdî merev kare bi wan re xeber bide? Madem wihaye ez jî îdî bi we re xeber nadim. Ez li aliyê din dizîvirim. Ezê îdî bi însanê paşerojê re xeber bidim."

Hûn qîmeta gotinên min nizanin. Feraseta we tuneye, hûn paşeroja xwe nabînin. Kesê ku ji gotina fêm neke merev jî bi wan re xeber nade. Ew çax ez jî îdî bi we re xeber nadim. Ez berê xwe ji we dizîvirînim û berê xwe didim aliyê din. Ezê bi însanê musteqbel re (paşeroj) xeber bidim.

"Ey ewê ku piştî sê qernê din di pişta 'esra bilind de xwe veşartine û bê deng sekinêne li gotinên min godarî dikin û bi nezereke ğeybiya xefî li min temaşe dikin! Ey Se'îd û Hemze û 'Umer û Yûsuf û vanê din! Ez bi we re xeber didim. Serê xwe rakin, bejin tu rast dibêjî û hûn ji gotina vê gotinê re deyndar in."

Yanî teqrîben piştî sê neslên din nesla ku wê were wê bêje "Ustad rast gotiye." Çimkî qern bi me'na çil salî jî bi me'na şêst salî jî bi me'na sed salî jî tê. Di salên destpêka meşrûtiyetê de hingî ku însan ji 'alema Îslamê bê bê hêvî bûbûn paşerojê nedidîtin. Ustad van rojên me yên îro dîtiye, li Ewrûpa û Emerîka însan bi koman di kevin Îslamê û di 'alema Îslamê de jî hişyariya bi Îslamê zorê dide hêzên emperyalîst.

Ustad xeberdana bi sê qernê paşerojê re dewam dike û dibêje:

"Van hemdemên min hema bira qet û qet li min godarî nekin. Ji newalên pêşerojê ku jê re dibêjin tarîx, bi telgirafên bê têl ku dirêjî îstîqbala (paşeroja) we ya bilind dibe ez bi we re xeber didim. Ez çi bikim, min 'ecele kir ez di zivistanê de hatim lê hûn di bihareke wek cennete de ne. Tuxmê ku anha tên çandin dikevin bin axê wê di zemînê we de kulîlka veke." Wê Rebbê min ucreta avêtina tuxmê min bide min. Xizmeta ji bo milletê xwe ku di ber dîn û dinya wan de min kiriye ez fêkiyê wê nebînim jî bawer im wê Rebbê min wenda neke.

"Lê ez ji we hêviya vî tiştî dikim:

Dema hûn hatin ji bo ku hûn derbasî mintiqa pêşerojê (madî) bibin serîkî li mezelê min jî bixin. Çend heb ji wan kulîlkan bi serê dergevanê axa ku min kiriye mêvan, yanî bi serê kêlika mezelê in ve bikin." Yanî li ser mezelê min bixwînin, j imin re du'a bikin. "Emê dergevan tenbîh bikin bira gazî me bike. Wê pêjnik were we, hûnê dengekî bibhîzin ku dibêje: ji we re 'efyet û nûşîcan be" ew 'esra we ya se'adetê, ew dewra we ya dilşadiyû bextewariyê li we pîroz û mubarek be. "Welew ji wî kesî be jî ku di çola deştê de leylana dibîne yan li 'ezmana keskesorê dibîne hûnê vî dengî bibhîzin." Yanî wê rojê ezê li 'alema mîsalê bim û hûnê xiyalen vî dengî ji min bibhîzin."

Ew zarokê ku bi me re ji pêsêra vî zemanî şîr dimijin û hê jî çavê wan li paş wan maye li pêşerojê dinerin, fikrên wan jî wek wan ji heqîqetê dûr in. Tişnabe, bira qet heqîqeta vê kitêbê xiyal zen bikin."

Van kesan wek zarokane, hêviya wan ji rehma Xwedê ze'îf bûye. Ew zen dikin ku wê hê jî rewş xerabtir bibe, îstîbdad wê bi zîvire, wê Musluman dilxweş nebin. Wek hawê ku ez ji kitêbê dixwînim, tiştê ku di paşerojê de wê bi qewimin ez ji wan re dibêjim fêm nakin. Ji wantirê ku ev tev xeyal in. Lê tişnabe, ew bira wiha fêm bikin. "Çimkî baweriya min heye ku van tiştê ez dibînim û ji zemanê pêşeroj û paşerojê dixwînim heqîqet in û wê di we de teheqquq bikin." Piştî sed salê din hûnê wan rojê xweş bibînin.

"Ey wan kesê ku ez bi wan re xeber didim û hê wê piştî sed salê din werin! Ez dengê xwe pir bilind dikim, çimkî ez li serê minara qernê sêzda sekinîme û wan kesê ku bi şeklê xwe medenî lê bi fikra xwe di newalên pêşerojê de 'eliqîne wan de'wet dikim."

Ez di serê 'esra sêzdehê hîcrî de di meqamê wereseta nubuwwetê de rûniştîme. Ji ber vê mesûliyetê ez dengê xwe bilind dikim. Kesê ku îro dijîn lê fikra wan hê di zemanê madî de 'eliqî maye ez gazî wan dikim, wan de'wetî bibal yekîtiya Îslamê ve dikim. Ez di 'esra îreo de me, muxatebê minî anha bi fikra xwe di 'esra pêşî de mane, lê muxatebê minî heqîqî hê wî 'esrik din werin. Loma dengê min pir dertê.

"Ey mezelê dunigî ku di lebite! Li ber deriyê wê nesla ku wek lehiyê tê nesekine, mezel li bende we ye. Xwe bidin alî ji bo ku nesla nû were û heqîqetên Îslamiye li ser ruyê kaînatê saz bike û pêla lêxe."

Ey wan kesên hemdemê minin û fikra wan bi madî ve 'eliqî maye! Hûn mezelê ku dilebitin. Van tiştê ku ez dibêjim dema çêbibin hûnê mirî bin. Xwe nedin pêşya nesla nû û riya wan negrin. Çimkî ew wek lehiyê tên û diherikin. Bi hûr û girî temamê hukmê Îslamî bê kêmasî wê li ser rûyê erdê bi cî bikin û wê pêla lê bixin.

Teqdîra Îlahi ye, ev hukum bi destê însanê wê 'esrê wê bi cî nebûna, ji bo ku nesla nû were lazim e rê li wan vebe. Heta ku ew 'esir derbas nebe nesla nû nikare were. Bêhêvîbûn û bêçareyî heta bi heta dewam nake û zirarê nade ê pey xwe.

Kesê ku hêviya xwe wenda bike îdî cewherê me'newî tê de namînin, bi temamî dibe wek meta'ekî dinyewî. Meta'ê ku bi rih be wek mezelê bi hereket e. Wek hawê ku mezel bilebite. Hêvîw xebat û pêşveçûn bi mezela nayê kirin, welew ew mezel bi hereket be jî.

Di debarê nivîskar de

Têhev

29

Gotar

M. ‘Ebdussamed ‘Hilmî

  • بگوهێ قەلبێ خوە گۆداري بكن ئو بچاڤێ عەقلێ خوە بنەڕن
  • SERÊ XWE RAKIN BÊJIN TU RAST DIBÊJÎ
  • سەرێ خوە ڕاكن بێژن تو ڕاست دبێژي ئو هون ژ گۆتنا ڤێ گۆتنێڕە دەيندارن سەرێ خوە ڕاكن بێژن تو ڕاست دبێژي ئو هون ژ گۆتنا ڤێ گۆتنێڕە دەيندارن
  • HEVPEYVÎNA CIVAKA KURDAN BI SEYDAYÊ BEDÎUZZEMAN RE
  • بهەركەسيڕە مەيلا دينێ ئيسلامێ پەيدا بويە
  • NÛRA DILAN JÎ NERMÎYÛ MERHEMET E
  • هەڤپەيڤينا جڤاكا كوردان بسەيدايێ بَدِيعُ الزَّماَنْڕَه
  • Î’layê Kelîmetullah Bi Pêşveçûnê Ve Girêdayı Ye
  • ئيعلايێ كەليمەت الله بپێشڤەچونێڤە گرێداييە
  • ئەم هاي ژخوە نەمان ئو مە ڕيعايەتا تەدبيران نەكر
  • Di Dinya Me Ya Îro De Înqîlabek Dunyewî û ‘Ecêb Heye
  • ددونيا مە يا ئيرۆ دە ئينقيلابەك دونيەوي ئو عەجێب هەيە
  • Wekhevbûnî Ne Di Fedl û Şerefê de...
  • وەكهەڤبوني نە دفەضلو شەرەفێدەيە، دحقوقدەيە
  • Hurriyeta Me Wê Bibe Fecra Sadıq Ji Bo ‘Alema Îslamê
  • حوڕيەتا مە وێ ببە فەجرا صادق ژبۆ عمومێ عالەما ئيسلامێ
  • Hurriyeta Ğeyrîmusliman Şu’bek Ji Hurriyeta Me Ye
  • حوڕيەتا غەيري مسلمان شوعبەك ژ حوڕيەتا مەيە
  • HURRIYET; XUSÛSIYETA ÎMANÊ YE
  • حوڕيەت؛ خصوصيەتا ئيمانێيە
  • Hurriyeta Li Hember Însan...
  • ڕەچەتا كوردان
  • Rafiziyê Huriyetê Kolê Nefsê Ne
  • ڕافزيێ هەرتشتي هەنە ئێ حوڕيەتێ ژي كۆلێ نەفسێنە
  • Yan Xîlafeta Şer’î Yan Jî Îzmîhlala ‘Umûmî
  • يان خيلافەتا شەرعي يان ژي ئيزميحلالا عمومي
  • Em Li Şerî’etê Xwedî Derkevin...
  • ڕەچەتا كوردان
  • Hevpeyvîna civaka Kurda Bi Seydayê Bedî’uzzeman re
  • Ê Berê سەرێ خوە ڕاكن بێژن تو ڕاست دبێژي ئو هون ژ گۆتنا ڤێ گۆتنێڕە دەيندارن سەرێ خوە ڕاكن بێژن تو ڕاست دبێژي ئو هون ژ گۆتنا ڤێ گۆتنێڕە دەيندارن
    Ê Li Pey بگوهێ قەلبێ خوە گۆداري بكن ئو بچاڤێ عەقلێ خوە بنەڕن

    Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.