DI PEY 'EZÎZÊ MISRÊ RE

Article

Erd û cahê kevn û qedîm, xewnek dîsa lê xwîya bû
Roja warê Ken'an avêt, Misrê jê re li pîya bû
Dibêtî hîv û stêrka li dîvanê bi rêz çok veda bû
Min dest avêt, ne gihîştim, leylana bedewa bû.
Di pey 'Ezîzê Misrê wegoya roj çû ava
Mûrsî tîrijek rohnaya Yedî Beyza bû.

Erê şeva tarî!
Tuyê jî bimrî.
Li beravê te berq û birûsk di teqin
Jimer 'eyan in telaş û fikarên neyarî
Em ji dûr û kevn ve te nas dikin.
Li hember Kelîm tu sêhrek pûçî bi mar û mûr
Li ser sênga Asîye kevirê Fîr'ewn î
Li ber minminîka bi kemîn bûy şam û seher
Tuyê ji textê tuğyanê hilweşî Qulzema bi abû rû.
Bi fetisî di behra hêrsê de,
Ew dem heyfa musted'efa temaşevanê te be.
Di çenga me de Tûr heye.
Li qadê Dawûdî bazikê te bişkînin bi kevkanîyan.
Di pey 'Ezîzê Misrê kela-m rabû ji dilê dağ kirî
Di navrojê bûkanî li bejn û balê, bi endama Esma bû.

Cewra ğedar!
Xewn a Yûsûfî te fetisand di bîrê de
Qeht û ğela ye ser Misra 'ezîz, çi heft sal in?
Qels û şoret laşê me 'ezîza xwar belkî sed sala.
Jar û lawazên ecnabîya kerîyên me birin
Ne hiştin ji mer mîr û bala
Hêz û qawet ji simbil û şehrîwarê me bilind nabe,
Ji bîr çûn di zîndana te de, çilmisîn sorgul
Vemirî hîva çarda li ber çav.
Hal ew e 'ezîzê me li şopa Yûsûfê Zuleyxa bû

Dema ku mêzên dagere, qirdik û celladê te jî bên şikestin
Fîşekên Telavîv û Waşînton di berîka Sîsî de,
Li ser laş û bedena me gulle lîrandin
Xûn dibarî ji dev wan bi kêf û zewq
Rebî'a li me qetandin... Emrîka, Îsraîl û Ewropa...
Dema li mirina me bi temaşa bûn,
Ez gêran di zanim li dest Îbrahîm
Cardin dîl û jarî anîn xwar her yek li dara 'îdamê...
Mûrsî azad bû ji gef û bêbextîyên qewad.
...Her yek Seyyîd Qutib, 'Udeh û El Benna bû.

Em sewta te jî dizanin ey êşa hevkar!
Cewr û ğedra tey merezdar çar alî bête girtin
Li Filistîn
Beğdat
Heleb
Hewlêr
Sîncar
Mekke
Helebçe
Dîyarbekir
Li Qudsê...
...xort û weledên Eqsa
Dîldâr a ummetê.
Tofan heye di qêrîna me de
Di piştî Selaheddîn ê Kurdî
Yek Qutûz û Baybars cardin derên ji rojhilat
Tuyê binhêrî Nîl herikye Rebî'ayê
Cîhanek ava bûye ji ummetê, rengîn
Mewc û pêl bide deşt û zozan bi merdî
DI PİŞTÎ 'EZÎZÊ MİSRÊ
Ez delavê te dibînim...
...yek gewrî bimîne ji laşê te.


وَكَمْ أَهْلَكْنَا قَبْلَهُم مِّن قَرْنٍ هُمْ أَشَدُّ مِنْهُم بَطْشًا فَنَقَّبُوا۟ فِى ٱلْبِلَٰدِ هَلْ مِن مَّحِيصٍ

"Me di bêrîya wan de, ji qewmên ewan hê zorû qewîntir helak kiribûn ku li welatan di gerîn (çi dewêl û bajaran îşğal kiribûn ku di wir de bisitirin) belê qulek xwe tê de veşartanan ne dîtin. Ma cî heye ku birevin?" Qâf: 36

Ya Rebbê musted'efa! Tu Du'a ya Se'îd bîn Cubeyr der heq zalimê Sîsî de bînî qebûlê;
"Di pey min de tu vî zalimî muselletî ser tu kesî din nekî ya Îlahî!"
Amîn!

Hatîye rîwayet kirin ku Heccacê zalim di piştî qetl û şehadeta Se'îd bin Cubeyr zemanekî hindik bi mirinek 'ibret çûye. Û firset nedîye ku fermana qetla tu kesî din bide.


Wegoya: Sanki
Berq: Yıldırım
Qulzem: Kızıldeniz
Şoret: Zayıf,
Lawaz: Cılız
Bala: Yücelik
Şehrîwar: Başak
Lîrandin: Tilîlî (zılgıt)
Hevkar: İşbirlikçi
Delav: Ehwal
Gewrî: Di vêderê de bi m'ena qurm (kütük) hatîye gotin.

Di debarê nivîskar de

Têhev

17

Gotar

Ê Berê EZ HATIM
Ê Li Pey Bê Serpoş

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.