YA REB!

Article

 

 Ḥeta kengê dilê ẋemdîde dê mehcûri bit ya Reb

Li ber dergahê te bê ḥasil û rencûri bit ya Reb

 

Selada ‘işqê xwûnînem, bi ‘işqê canê cananem

Li bin sîdarê weslê kengî dil mensûri bit ya Reb

 

Nema carek xwîya bit hudhudê şîrînkelamê min

Suleymanwarî yek dem dil bi wê mesrûri bit ya Reb

 

Fîẋan û zarî ye her dem dilê dîwaneê şeyda

Bibînim ey ‘eceb çeşmê sîye meẋmûri bit ya Reb

 

Ji în‘amê te xursend û ji îkramê te qani’ bit

Ji zarê şekkirînê dostê xwe me’mûri bit ya Reb

 

Enînê min ji perdan derketin ‘aciz kirin ‘alem

Meger te’sîrê der dil dilberê purnûri bit ya Reb

 

Feqîr û bê mecal im bê kes im bê gazî û dad im

Ji te pê ve kî ẋemxwarê feqîrê ẋorê bit ya Reb

 

Bila îkram û în‘amê ‘emîmê pakê Yezdanet

Ji boyê bê dilan neş’et liqayê sori bit ya Reb

 

Dil û dîn û ser û can îbtida der rahê ‘işqê çûn

Meger bê dest û pê der hifzê te mestûri bit ya Reb

 

Bibêje “Kerbelaî” bes bike feryad û efẋanan

Qerîb e Ke’beyê amalê te me’mûri bit ya Reb  

 

 

 

 

 

يَا رَبْ

حَتَا كَنْگِي دِلِێ غَمْدِيدَه دِێ مَحْجُورِ بِتْ يَا ڕَبْ

لِبَرْ دَرْگَاهِێ تَه بِێ حَاصِلُ و ڕَنْجُورِ بِتْ يَا ڕَبْ

 

صَلَادَا عِشْقِێ خُونٖينِمْ بِعِشْقِێ جَانِێ جَانَا نِمْ

لِبِنْ سٖي دَارِێ وَصْلِێ كَنْگٖي دِلْ مَنْصُورِ بِتْ يَا ڕَبْ

 

نَمَا جَارَكْ خُويَابِتْ هُدْهُدِێ شِيرِيٖنْ كَلَامِێْ مِنْ

سُلَيْمَانْ وَارِيَكْ دَمْ دِلْ بِوِي مَسْرُورِ بِتْ يَا ڕَبْ

 

فِغَانُ زَارِيَهْ هَرْدَمْ دِلِێ دِيوَانَه ئِێ شَيْدَا

بِبِينِمْ اَيْ عَجَبْ چَشْمِێ سِيَه مَخْمُورِ بِتْ يَا ڕَبْ

 

ژِاِنْعَامِێ تَه خُورْ سَنْدُ و ژِاِكْرَامِێ تَه قَانِعْ بِتْ

ژِزَارِێ شَكَّرٖينٖي دُۆسْتِێ خَوه مَأْمُورِ بِتْ يَا ڕَبْ

 

اَنِينِى مِنْ ژِپَرْدَانْ دَرْكَتِنْ عَاجِزْ كِرِنْ عَالَمْ

مَگَرْ تَأْثِيرِێ دَرْ دَلْ دِلْبَرِێ پُڕ نُورِ بِتْ يَا ڕَبْ

 

فَقِيرُ و بِێ مَجَالِمْ بِێ كَسِمْ بِێ گَازِيُ و دَادِمْ

ژِتَه پِيڤَه كِي غَمْخَوارِێ فَقِيرِێ غُورِ بِتْ يَا ڕَبْ

 

بِلَا اِكْرَامُ و اِنْعَامِێ عَمِيمِێ پَاكِێ يَزْدَانَتْ

ژِبُو يِێ بِێ دِلَانْ نَشْئَتْ لِقَايِێ سُورِ بِتْ يَا ڕَبْ

 

دِلُ و دِينُ و سَرُ و جَانْ اِبْتِدَا دَرْ ڕَاهِێ عِشْقِێ چُونْ

مَگَرْ بِێ دَسْتُ و پِێ دَرْ حِفْظِێ تَه مَسْتُورِ بِتْ يَا ڕَبْ

 

بِبِێژَه "كَرْبَلَائِي" بَسْ بِكَه فَرْيُاد و اَفْغَانَانْ

قَرِيبَه كَعْبَه ئِێ آٰمَالِێ تَه مَعْمُورِ بِتْ يَا ڕَب

Di debarê nivîskar de

Têhev

1

Gotar

Şêx Muhammed Kerbelayî

  • YA REB!
  • Ê Berê
    Ê Li Pey

    Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.