LOLO BIRA

Article

 

Lolo bira lolo bira, tu binhêre li van dora
Li bêndera, bestê çema, di bin dara, ber dîwara

Li Helebçe li Duceyde, Îneb Sîrwa hawêrdora
Di xaniya, li ber mala, deşt û çiya, li guhera

Li însan û li heywanê bêcan mane bi hezara
Çi ğezeb bû b-destê Seddam li ser Kurda lolo bira

******

Ew xerdel û siyanîta kîmyasala Seddam reşand
Ji Evrûpa kîjan welat bi çi hawî jê re dişand

De ka bêje, kî însan e, kî heywan e, dila êşand
Li ser serê mezlûma kî gur û hirçê can herişand

Pel kulîlkê dara hêşîn tev bi hev re hatin weşand
Ew bihara şîn û rengîn weka payîz reng pelişand

*****

Ez nebînim li dinyayê carekî din ez nebînim
Rojek mîna qetlîama li Helebçe ez nebînim

Xwîn û heyfa wan mezlûma ji zalima ez bibînim
Ez bibînim bê sitendin li dinyayê ez bibînim

Azadiya war û welat bi Quranê ez bibînim
Bibexşîne Rebbê Mezin li mezlûma ez bibînim

 

Di debarê nivîskar de

Têhev

23

Gotar

Ê Berê HOSTÊ DÎWARA
Ê Li Pey ZAROKÊN ME

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.