MED‘HÎYEKE KURDÎ YA LI SER BED‘UZZEMAN

Article

                              Amadekar: Cevdet Karaman

Her wekî ku tê zanîn; Ustad Bedî‘uzzeman di hengama qiyama Şêx Seîd de ji welatê xwe hat sirgûnkirin û hew li welatê xwe vegerîya. Zîndan û sirgûn bûn qedera wî û li pêy şopa wî gerîyan.

Dema em li Kullîyata Rîsaleyê Nûr mêze dikin em dibînin ku wî gelek caran welatê xwe bi hesret bibîr anîye. Dema nameyek ji welat jê re hatiye an şexsek hatiye ziyareta wî ustad gelek kêfxweş bûye, carna jî bi hêstirên çava miasfirê xwe verê kiriye. 

Ev helbest jî wek med‘hîye bo ustad ji teref şagirtekî wî yê mela ve jê re hatiye şandin. Bes navê helbestvan di medhîyê de ne diyar e. Gelo ev helbest çima neketiye nav Lahîqeyan û nehatiye qeydirin em nizanin. Dibe ku ji ber şert û mercên demê be. Di Lahîqeyan de nehatibe weşandin jî ev helbest di arîşîva şagirdê ustad ê bi navê Se‘îd Ozdemîr de hatiye parastin. Mufit Yuksel ji arşiva Ozdemîr ev helbest girtiye. Em jî li vir wê helbestê latînîze dikin û digel orjînala wê teqdîmî we dikin.

 

Bîsmîllahîrre‘hmanîrehîym

 

‘Hebîba min tebîba min, yeqîn serdarê xûbanî

Di ‘husna Yûsûf î îro, li milkê dil Sûleyman î

 

Te rend û dilber û qencan, li xu medhûş û sewda kir

Nizam Harûn û Mûsa, ya sifet ‘Îsa û Loqman î

 

Bi durr û şehrî temsîl û şekerlefzê leb û le’lan

Te rakir xesteyê sedsale, lê xweş kir Musulman î

 

Di tewzîh û beyana te, ku bê wicdan û însafê 

Dizanit muxteser her kes, mucerred feyzê rû‘han î

 

Dema şemsa mu‘heyya, te cîhan kir serteser enwar

Di şerq û ğerbê ‘alem, nusbê kir rayatê îmanî

 

Di tefsîr û beyana vê kîtaba  kaînatê da

Ji feyza ruşhetek fûrqan, muheqqeq behrê ‘irfanî

 

Di ‘ilmê zahirî yekta, reîs û pêşîwayî tû

Di fennê batinî, ya şah î ya Geylanîyê sanî

 

Di tecdîdatê dînî, hem di tehqîqatê îmanî

Diyaûddînê Xalid, hem muceddîd Qutbê Rebbanî

 

Di hedma felsefa kufrê, di ‘heqqa înşa a Îslam

Huseyn û rehmetullah huccetul Îslam û Nu’manî

 

Di me‘hwa cumle kufrîyyat û îbtala sihirbaza

‘Esa û zulfeqar û ayetul kubra û fûrqan î

 

Di îsbata wucûd û we‘hd û ta Xaliq bi enwa‘î

Berahîn û edîllê qati‘e, wek (behra) ‘umman î

 

Di tefsîla ku Qur’ana hekîm, mu’cîz bi çil wechî

Di keşfa kenzê esrar û heqaîq da bîla san î

 

Di tesbîta ku Mewlana Muhemmed Seyyîdê ‘alem

Resûlê e’zem e, qemqamê emmaratê şemsan î

 

Kesê îmani tehqîqî, divê wî durre ên ğalî

Bira bêtin bi dil guhdin, rîsalatê di nûranî

 

Beşarat û rumûzê ewlîya, derheq te da zehhf in

Ku lew keşf û keramat û bedî’ û lutf û îhsan î

 

Ji nûra seyyîdul kewneynê nesla hezretus-sibtey-

Nî dew a qurretul ‘eyney nî lewra hakezeş-şanî

 

Di ewsafê cemal û hem kemala qameta yekta

Ze‘îf û ‘aciz û lal û geda yim şah û sultan î

 

Şukur lîllah, ji hewza kewser û ‘eynul-heyata te

Sura‘hê mey dinoşin em, bi şewq û zewq û şîranî

 

Ji ferqa tel‘eta nûrîn sifetbulbul dixûnim ez

Heye carek kula weslet, ziyaret kim di bostanî

 

Ji wê kenz û kerem, ğeyrî muğeyya wasiq e hêvî

Bide qelb û tereqqî ‘acizî, kûrî şeqî can î

 

Di debarê nivîskar de

Têhev

20

Gotar

Ê Berê ÎRO QEWÎ DERDEK LI MIN PEYDA YE
Ê Li Pey Guft û Goyek Digel Melayê Cezerî

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.