16 car 15 hezar carî

Article

12ê Gulana 2016an, hê nebûye bihar

Nebûye biharek yekser, nîv e bihar

Lewra reng û rewşa bihar,

Xwe hê seranser,

Nedaye ser vî welatê stuxwar…

Çend dem û demsalin,

Çend dewr û sersalin,

Çol û deşt û zozanên war,

Mane bêpeybûn û beyar…

Berê tirbîs û cemre û rewa,

Xwe berdidan erd û gihar,

Niha bombew mayin û teqîn,

Dikin gurmîn û zimmîn û reqîn

Bijahrin, wek ezab dibarin

Bi ser mezlûm û bêkesa,

Bi destê hov û Xwedênenasa,

Îro li gundê Baqewsa Amedê,

Şîn û girîn û qêrîn û heware…

16 can, bi 15 ton nîtrata dijwar,

Bûne perçe perçe hezar hezare,

16 car 15 hezar carî,

Li we le’net bibare

Hovên Dehhakê xwînxwar…

12ê Gulana 2016an, nîv e bihar,

Lewra dilşewat in dayik,

Dayik nakin şahî, hê nebûne bextewar…

Roja Dayikan a Cîhanê bû

Yekşema dudan a Gulana gulîzar…

Xelata qenc û mezin, li vî war û diyar

Ji bo dayikên derdkêş û ğemxwar,

Zarok sağ û silamet bin,

Nebînin êş û keder tucar…

Lê li gundê Baqewsa Amedê,

Di dewsa wê zarok,

Didest gul û qurnefîl bin

Ji dayikên xwey xweşdevî û yar

Bi parçeyên kezeb û dilên xwe bûn

Di nav kîsên bixwîn û çeloxwar

Di şûna wê dayik bêjin

“Xwedê umrê te dirêjke,

Te bighîne gelek dem û dewran”

Hezar nifir, hezar le’net, hezar axîn

Bilind bûn ‘erşê Rebbê Cebbar

“Lo lawo, li min rebenê ev çi bext û ûjdane

Mala zalim bişewite, nebîne tu xweşiyû bihar”

Weka şerqîna berqên biharê belavbûn16 CAR 15 HEZAR CARÎ

✍ Fexreddîn ŞEMREXÎ

12

www.bangaheq.comKelhaamedZivistan - 2015

Deng vedan, alan kir heta qulên hovên har

Îro li gundê Baqewsa Amedê

Şîn û girîn û qêrîn û heware…

16 can, bi 15 ton nîtrata dijwar,

Bûne parçe parçe hezar hezare,

16 car 15 hezar carî,

Li we le’net bibare

Firotiyên Dehhakê xwînxwar…

12ê Gulana 2016an, qet nabînin bihar

Dehhak û Nemrûdê Kurdistanê,

Hov û xaîn û firotiyên Kurdistanê,

Xwînrij û paleyên ğerbiya ğeddar…

Kurdistan tu demê û tu car:

Hewceyî fikr û şola weya sextekar,

Zulm û şerrê weyî qirêj û gemmar,

Nebûye, nabe û wê nebe…

Derdê we ne çêkirin û avakirine

Armanca we tenê xerakirine,

Kuştina bêrîyû zarok û sebiya,

Qetlîamkirina xelk û gundiya,

Vedandina çalan jibo teqemeniya,

Tenê li umrê Dehhak tîne dawiya…

Tu Dehhak, tu Nemrût, tu Yezîd

Xwe negirtine li ber hêsr û nifirên

Mezlûm û reben û jinbî û sêwîya

Gellê Kurd, wek qetlîama Zozana Mîranê

Başbağlar û Sûsaya Sîlwanê

Vê qetlîama weya li Baqewsê jî,

Jibîr nake, wê bibîr bîne her dem

Bi hezar nefret û le’net

Di diwazdeha Gulanê…

Bi qasî giranîya şewata

Dilên dayik û jinbîyên diljar

Feryada 39 sêwîyên situxwar

Li ser we le’net bibare

Ji cem Xwedayê Qehhar

Îro li gundê Baqewsa Amedê

Şîn û girîn û qêrîn û heware…

16 can, bi 15 ton nîtrata dijwar,

Bûne perçe perçe hezar hezare,

16 car 15 hezar carî,

Li we le’net bibare

Ğulamên Dehhakê xwînxwar…

Di debarê nivîskar de

Têhev

23

Gotar

Ê Berê ZIVISTAN
Ê Li Pey ‘ÎD E ŞAHÎ YE

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.