KEREM KE EYA MURSÎ!

Article

Xeyalên xwe biavêje sindoqê

Û bi çemê Nîl de berde

Însan qedrê te nizanin

Bi masîyan re xeber de

 

Dilo!

Hilweşî dinya

Li hev ket Dîcle w Firat

Serkanîya ji buhuştê

Eya Nîlo! Tu bi xêr hat

 

De veke bi serbestî

Tu sendûqa derd û kulan

Xwîn ji ku tê 

Av bi ku de diherike

Fîr’ewn bi cirît dibezin

Ka Mûsa li ku ma

Niho

Ji bêexlaqîyê re dibêjin mafê mirovahî

 

Sihra sêrbazan betal nabe îro

Deng li dinê ma

Niha ji sihrê re dibêjin

Demokrasî

Bes asayê Musa peyda nabit

Serkanîya çem 

Ji xwînê ye îro ku dadiwerive 

Ji kindira demûqrasî

 

Tîroj di demê de diesirin

Qirr dibe sî

Betal nebû sêhra sêrbazan

Şewitîn em li ber tavê

Dibêjin dinya dibeze 

Li ser pişta ga û masî

Ga mir, masî fetisî

Niha ji sihrê re dibêjin demûqrasî

Bes ‘asayê Musa peyda nabit

Serkanîya çem 

Ji xwînê ye îro ku dadiwerive 

Ji kindira demûqrasî

 

Xeyalên xwe biavêje sindoqê

Û bi çemê Nîl de berde

Însan qedrê te nizanin

Bi masîyan re xeber de

 

Sikûtek ji serkanîya hêvîyan

Sendûqa derd û kulan 

Biherikîne eya Nîl

Li kêleka derîyê buhuştê dêyne

Tû sendûqa derd û kulan

Îro xwîn û av tevlihev in

Dibiriqin ji dûr ve

Keskesorên li ber qirrikê

Digel hêvîyên hezar dayikan

Di senduqa derd û kulan de

Vedibeşire li ser pêlên di avê

Mûsayê ber dilê me

Şûrê li ber qirrikê 

 

Kerem ke eya Mûrsî!

Xeyalên xwe biavêje sindoqê

Û bi çemê Nîl de berde

Însan qedrê te nizanin

Bi masîyan re xeber de

 

Her kes ê xwe dixwe

Pût ji helawê ne nuho

Sihreke esrî ye demoqrasî

Ku îro

Wek keskesorek li ser gerdenê

Xwîn jê dadiwerivê

Li ber sêdaran 

Sendûqa derd û kulan dişewite

Dayik dinalin

Hêvî dişkên

Hey hewar

 

Eya Nîlo

Ne ga ma ne masî

Nuho ji her fitneyê re dibêjin demoqrasî

Yedî beyda nexwî ya

Fîr’ewn  li meydanê dimeşin bi serbestî….

Di debarê nivîskar de

Têhev

6

Gotar

Ê Berê Du Sitranên Dimilîyê Ku Bêhna Wehşeta Li Dêrsîm Jê Difûre
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.