SALVEGERA HÎCRETÊ

Article

 

Tarîxek nuh destpêka wê bû hicret
Hicreta wî ji cîhanêr bû berket

Berya bighên Medîneya pir şêrîn
Li Qubayê Ensarî hatin civîn

Pîrek, zilam, zarok û hem cuwan, pîr
Wan bi hevra kirin şahî dan tekbîr

Kirin şahî helbesta meşhûr gotin
Dil û cergê evîndara disotin

Mizgîn li we ji ser girê xatira
Pê dilxweş bin hîv derketî ey bira

Şukur ferz e li ser me vê zanibin
De’wetvanê xêrê heta ku hebin

Ey Resûlê ji nava me hat şandin
Ji bo emrê te wê ser bê tewandin

Belê bi te muşerref bû Medîne
Bajarekî çuqa xweş û şêrîne

Tu-b xêr hatî bi ser ser û çavar hat
Tu mezinî tuyî fexra kaînat

Li Qubayê çar roja man mêvanî
Li wir esasê mizgeftê wî danî

Ew mizgefta koka wê-lser îmanê
Hate danîn derbas dibe-d Qur’anê

Bi rê ketin ji wir çûne nav bajêr
Herkesî go were cem me, dixwest xêr

Ji wan re got dev ji deva min berdin
Ew pê zane-l ku meğelê neğeydin

Hat ‘erasa du yetama ji necar
Resûlûllah ji wan kirî bi bazar

Wan Mescîda Nebewî lê çêkirin
Li kêlekê xanyê Resûl çêkirin

Şeş meh çûne Resûlûllah bê xanî
Li cem mala Ebû Eyyûb mêvanî

Ey kulîlka Medînê bê hed selam
Li ser tebin heta dunya bib dewam

Li welatê xwe-b eşqa te evîn in
Ji vê derê em silava dişînin

Ronya çava Resûlûllah Mûhemmed
Sebra dila Hebîbullah nûr Ehmed

Ger dixwazin hûn ji agir bin berat
Ji can û dil hûn bibêjin esselat

 


Di debarê nivîskar de

Têhev

10

Gotar

Ê Berê JI MEWLÛDA NEBÎ
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.