Weqfa Yetîman raporta xwe ya fealîyetên sala 2018an bi raya giştî re parve kir

Weqfa Yetîman raporta xwe ya fealîyetên sala 2018an bi raya giştî re parve kir, di raporta ku hat parvekirin de hat diyarkirin di sala 2018an de di nirxa milyonek û 173 hezar û 405 TLyan de alîkarî hatiye kirin.

​Alîkarê Weqfa Yetîman Engîn Taştekînê ku raporta fealîyetan a sala 2018an bi raya giştî re parve kir derbarê mijarê de diyar kir ew wek weqfê di sala 2018an de him li nava welêt û him jî li derveyî welêt di nirxa milyonek û 173 hezar û 405 TLyan de alîkarî ji kesên jar, feqîr û yetîm re kirine.

Taştekîn di berdewama daxuyanîya xwe diyar kir Weqfa Yetîman di sala 2018an de li nava welêt ji 842 hezar û 205 kesan re û li derveyî welêt jî ji 331 hezar û 200 lîre tevde milyonek û 173 hezar û 405 TLyan de alîkarî ji kesên jar, feqîr û yetîm re kirine.

 Taştekîn di  daxuyanîya xwe ya ku da de destnîşan kir  temamê fealîyetên wan li ser esasa dildarîyê tê kirin û dû re wiha li axavtina xwe zêde kir: “ Ew alîkarîyên ku li çar alîyên dinyayê tên kirin li ser esasa vê dildarîyê tên kirin. Temamê kesên dildar û xêrxwaz dikarin beşdarî xebatên weqfa me bibin. Temamê wan alîkarîyên ku li Tirkîye, Yemen, Filistîn, Arakan, Uganda û Endonezyayê hatine kirin bi ked û desteka birayên me yên dildar hatin kirin.”

Tevde milyonek û 173 hezar û 405 TL alîkarî hat kirin

Taştekîn di berdewama axavtina xwe de qala wan alîkarîyên ku di sala 2018an de li çar alîyê hatine kirin kir û destnîşan kir xebatên wan ên alîkarîyê li Yemenê hêj berdewam dike û dû re wiha dawî li axavtina xwe anî: “Di sala 2018an de li nava welêt ji 842 hezar û 205 kesan re û li derveyî welêt jî ji 331 hezar û 200 lîre tevde milyonek û 173 hezar û 405 TLyan de alîkarîya neqdî, erzaq, bursa yetîman, goştê sor, cil û berg ji kesên jar, feqîr û yetîm hat kirin.”(ÎLKHA)