"Di pêvajoya asayîbûnê de pêwîst e mizgeft demildest bên vekirin"

Gelê Diyarbekirê destnîşan kir, divîyabû ewil mizgeft hatibana vekirin.

Piştî biryara pêvajoya asayîbûnê ya ku ji teref hikûmetê ve hat daxuyandin re di nav gel de nîqaş destpêkirin. Lewra gelê ku pê bikhîst ku ew ê lîga futbolê berdewam bike û navendên danûstandinê bên vekirin ji venekirina mizgeftan re bertek nîşan dan û daxwaz kirin ku di vê pêvajoya asayîbûnê de mizgeft demildest bên vekirin.
 
Gelê Diyarbekirê derbarê mijarê de daxwaz û nerazîbûnên xwe wisa anî zimên:
 
Abdulcelîl Sogut: “Divê ewil camî bên vekirin. Meriv dema ku haya xwe ji navbira civakî bike dikare li mizgeftê nimêja xwe bike. Divîyabû berîya navendên danûstandinê camî hatibana vekirin. Lewra  cihên mîna danûstandinê manewîyatê nadin meriv. Girtîmayîna camîyan ji bo me kêmasîyeke mezin e.”
 
Sînan Aslan: “Girtîmayîna camîyan bi serê min nakeve. Ji ber ku camî girtîne û em nikarin nimêja înê eda bikin em Remezanê di nav kovan û xemgînîyê de derbas dikin. Li ber PTTyan bi sedan însan dikevin rêzê û qet haya xwe ji navbira civakî nakin û kes dengê xwe ji wan re nakin û di ser de camîyan venakin. Dikarin camîyên me vekin. Bila maskeyan belav bikin û germahîya wan bipîvin.Pêdivîya me ji nimêjên bi cemaat û diayên girseyî heye.”
 
Welatîyên bi navê Yucel Kiliç, Huseyîn Atli, Abdulganî Taşer, Alaattin Bahadır, Muhammed Sabrî Bayhan, Mithat Çabuk û Hasan Îpek jî derbarê mijarê de ji ber ku camî nayên vekirin nerazîbûnên xwe anîn zimên û daxwaz kirin ku bila di asta asayîbûnê de mizgeft jî bên vekirin.(ÎLKHA)


Ê Berê IHO-EBRAR li Stenbolê ji gelek malbatî re alîkarî kir
Ê Li Pey Karwana Hêvîyê li Ganayê ji bo bi sedan malbatî alîkarîya erzaqê kir

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.