Du Helbestên Seyyîd Nesîmîyê Hûrûfî

Du Helbestên Seyyîd Nesîmîyê Hûrûfî

Wergera Ji Tirkî: Cewad QEMERÎ

 

1- MIN MINNET NÎNIT JI GULA KU DIBIŞKIVE JI NAR

Min minnet nînit ji gula ku dibişkive ji nar

Bi ‘Erebî w farisî nizanim minneta-m nîne ji zar

Di siratê musteqîm de xwe dispêrim er-Rehîm

Ji-rya ku îblîs tê de ye-b talîm e nînim minnetdar

 

Derdek ‘ecêb li min peyda ye her kes li pêyî karê

Tiştê îro ez dixwim, Heq kerîm e bo sibehê

Zerreyek temaham nîne ji bo hebûna vê dinê

Raziqê min her Xweda ye, min tu minnet ji evda nînê

 

Oy Nesîmî, can Nesîmî! Ger Xenî mîhman bî bo te

Ku siba Ehmedê Muxtar şefaetkar bit ji bo te

Raziqê cumle hebûnan ew settari bit ji bo te

Min minnet nîne ji hunkarê xelîfê rû dinê

 

2. MERHEBA

Merheba-b xêr hatî ey ruhû rewanêm merheba

Ey şekerleb yarê şîrin lamekanêm merheba

 

Çûn te leb cam-i cem e nefxe a Ruhu’l-Qudûs

Ey cemîlêm ey cemalêm behr û kanêm merheba

 

Ğeyr ji te bo dil min nabê layiqê tû tişt û mişt

Sûretêm ‘eqlêm ‘uqûlêm cism û canêm merheba

 

Ey dilberê sûretmelek! Can feda bo rêka te

Çun te got: “Lehmîke lehmî, demmîke demmî[1]” merheba

 

Min hate yar pursî bi nas gote Nesîmî-t çawanî

Mereba-b xêr hatî ey ruh û rewanêm merheba

 



[1] Mebest xwîna min ji xwîna wî goştê min ji goştê wî ye. Ev işareta bi bal peyva Resûlê Xweda a ku tê de gotiye ‘Elî j imin e ez ji Elî me.


Ê Berê Salvegera Şehadeta Muhammed Mursî
Ê Li Pey Di We De Cesaretek Xarîqul’ade Heye

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.