Xebatên alîkarîyê yên Karwana Hêvîyê ji bo gelê Yemenê berdewam dike

Xebatên alîkarîyê yên Karwana Hêvîyê ji bo gelê Yemenê berdewam dike

Weqfa Karwana Hêvîyê xebatên xwe yên alîkarîyê yên li Yemenê bênavber didomîne.

Li Yemenê ji sala 2015an vir şerê navxweyî û qeyrana siyasî bênavber didome ku ji ber vê yekê bi milyonan însan bi şikleke menfî tesîrdar bûn û bi hezaran zarok jî him ji ber şert û mercên giran ên jiyana xwe ji dest dan. Digel van şert û mercên giran êrîş û dorpêça Siûdan jî bû sedem ku bi hezaran zarok canê xwe ji dest bidin.
 
Weqfa Karwana Hêvîyê ya ku li çar alîyên dinyayê diçe bi hawara însanên feqîr ve, li Yemenê xebatên xwe yên alîkarîyê bênavber didomîne.
 
Weqf vêcarê jî çû bi hawara Yemenîyan û ji wan re alîkarîya xurek û erzaqê kir.
 
Serokê Giştî yê Weqfa Karwana Hêvîyê Cengîz Kurtaran derbarê alîkarîya ku li Yemenê hat kirin de daxuyanîyek belav kir.
 
Kurtaran di daxuyanîya ku belav kir de destnîşan kir, xebatên wan ên alîkarîyê bi saxîya xêrxwazan li Yemenê berdewam dike û dû re wiha got: “Em ê dîsa di navbera xêrxwazan û kesên feqîr de bibin pir û qasid. Gelê Yemenê di dorpêça şer û birçîbûnê de difirfite. Em nikarin li hember vê yekê bêdeng bimînin. Em ê xebatên xwe bidomînin da ku zehmetî, derd û kulê gelê Yemenê kêm bibe. Xweda ji kesên xêrxwaz razî be û xêra wan qebûl bike.”
 
Kurtaran di berdewama daxuyanîya xwe de destnîşan kir, ew ê ji bo gelê Yemenê xebatên xwe yên alîkarîyê berdewam bikin.(ÎLKHA)
https://ilkha.com/kurmanci/cihan/xebaten-alikariye-yen-karwana-heviye-ji-bo-gele-yemene-berdewam-dike-21374


Ê Berê Karwana Hêvîyê ji bi sedan malbatên Sûrîyeyî re alîkarîya cil û bergan kir
Ê Li Pey EM BIMRIN JÎ MILLIYETA ME KU ÎSLAM E EW HER SAĞ E

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.