هەڤپەيڤينا جڤاكا كوردان بسەيدايێ بَدِيعُ الزَّماَنْ ڕَه

هەڤپەيڤينا جڤاكا كوردان بسەيدايێ بَدِيعُ الزَّماَنْ ڕَه

چما تو نابى مێڤانێ كەسى؟

 

ڕەچەتا كوردان: هەڤپەيڤينا جڤاكا كوردان بسەيدايێ بَدِيعُ الزَّماَنْ ڕَه

چما تو نابى مێڤانێ كەسى؟

عبد الصمد حلمي

بسم الله الرحمن الرحيم

 

س: - ﴿ئەڤ سەرێ سالكێ دو سالايە بهەركەسى ڕە ديندارى ئو مەيلا حقيێ پەيدا بويە. حەتا دزێن مە يێن گەڤدان و مەمحوران ژى بنەصيحەتەك شێخ احمد بونە صۆفى

وَقَدْ قَطَعَ الطَّرِيقَ عَلَى الشَّقَاوَةِ هَذَالْمَيَلَانُ. يانى: ڤێ مەيلا ببال حەقيێ ڤە ريا خەرابىێ بڕيە﴾ ئەڤ چەوا چێبو؟

ج: - ﴿بسايا ئيرشادكەريا شورايا شەرعى ئو شێخيتيا رسالەئێ نور چێبو﴾ چمكى دەما كو حوكوم كەت دەستێ شورايێ ئو دەسەلاتا سەلطەنەطێ بداوى بو ﴿وەريسێ دين لەبتى﴾ حسسياتێن ئيسلامى هشياربون ﴿اسلاما كو وەك عروة الوثقا يا نورانى يە، يانى وەك قولپا زەخم ئا نورانيە حەرەكەت لێ كەت﴾

دەما ئينسان ژزەختا خەلاسبون مەژيێ وان ئيدى بهاواكى حوڕ دەست بفكراندنێ كرن، هێدى هێدى حسياتێن ئيسلامى هشياربون. موشكيلا عالەمێ ژى ئا كوردستانێژى ئەڤە. دەما زۆردەستى و تەعدە و زەخت ژهۆلێ ڕابن دناڤ عالەما ئيسلامێ دە كەسى كو خوە بدە دۆرا ظالمان وێ يا نەمينن يان ژى وێ گەلەك كێم ببن كو تو تەئسير ژوانڕە نامينە. هێز و حەرەكەتێن ظالم بزۆر و حيلا ئينسانێ مە لدۆرا خوە جڤاندنە، دڤێ هاوڕێ دە ئيسان دبن وەك گور و چەقەل و ڕێڤى و سيخوڕان.

بنگەها رسالەئى نور ئو سازيێن كو لسەر ڤى بنگەهێ هاتنە ئاڤاكرن دئازادكرنا مەژى ئو فكران دە ئو دسازكرنا شورايا شەرعى دە دەورەكە گرينگ پێك تينن

پشتى كو مەژيێ ئينسانا ئازاد بو ﴿ئيدى هەر مسلمانى فێم كر كو ئەو نە سەربەردايى يە، ببەرژەوەنديێن موشتەرەك يێن ئوممەتێ ئو بقەنجيەكە خالص، ببراتيا ئيسلامێ بهنەكى دي ڤە گرێداييە. عموم عالما ئيسلامێ وەك عەشيرەكێ بهەڤڤە گرێداييە﴾ بسيستەما شورايا شەرعى ئەڤ شعورا يەكيتيێ هشيار دبە

﴿مەثەلا چەوا كو دعەشيرەكێدە زلامەك قەنجيەكێ بكە هەمى عەشير بوێ شەرەفێ شانازيێ دكە، دبە حسسەدار. ئەو قەنجى بيەك قەنجيكى تەنێ نامينە، وەك موما كو د هەزار عەينكاندە خويا دكە و بهەزاران زێدە دبە، قەنجى ژى نور و قووەتێ ددە ڕەبطا ژيانا وێ عەشيرێ﴾

﴿هەر وها ژعەينى عەشيرێ كەسەكى دەما جينايەتكى بكە هەمى فەردێن عەشيرێ پێ تێن تۆمەتبارانكرن. مثلا زلامێن كو دڤێ مەجلسێ دە ڕونشتينە هەگەر بهەڤڤە گرێدايى بن ئو يەك ژوان خوە باڤێژە ناڤ چڕاڤێ وێ هەڤالێن خوە ژى يان بخوەڕە باڤێژە ناڤێ يان ژى وێ وان بهەژينە ئو عاجز بكە. ژبەر ڤێ يەكێ گونەهەك بتەنا سەرێ خوە نامينە، بەلكى بهەزاران گونەه ژێ چێدبن، يەك خێرەك ژى دكەڤە حوكمێ ڤێ ئايەتێ:

كَمَثَلِ حَبَّةٍ اَنْبَتَتْ سَبْعَ سَنابِلَ في كُلِّ سُنْبُلَةٍ مِئَةُ حَبَّةٍ –بقرة: 261 (يانى وەك لبا كو حەفت سنبل ژێ چێ دبن، دهەر سنبلەكى دە ژى صەد لب هەنە)﴾

﴿ئيدى ژبەر ڤێ نوكتەيێ يە كەسێ كو فكرەن يان ڕوحەن هشيار بوبە خوەستنا گرى پێڕە پەيدا دبە، دخوازە بگرى، ببەهانەكێ دگرى ئو تۆبە دكە. لاكن ئەو عەقلێ كو لسەرێ منارێ يە سەبەبێ گريێ بن بيرێ نابينە﴾ سەبەبێ دينداريێ ڕابونا زۆردەستيێ يە بەس كەسێن دەسەلاتدار ڤێيا نابينن

﴿ئەلحاصل ئيسلام هشيار بو ئو هشيار ژي دبە. خەلك ژى قەنجيێ قەنج نەقەنجيێ ژى نەقەنج دبينە﴾

﴿ها، ئەو تشتێ كو ڤان عەشيرێن ڤان نەوالان كر تۆبەدار ئەڤ سڕە. عالەما ئيسلامێ هێدى هێدى دكەڤە بن تەئسيرا شورايێ ئو ڤى تشتى كەسب دكە. لاكن ژبەر كو هون دورى باژاڕ و مەركەزێنە فطرەتا وە يا ئەصلى زێدە خەرانەبويە، هون نێزترى دينێ خوەنە﴾

س: - ﴿مێڤانپەروەرى عادەتكى مەيى قەنجە، تو ژى ڤێيا زانى، چما تو نابى مێڤانێ كەسى؟ تو مەنعا طەلەبەيێن خوە ژى دكى كو نانێ مە بخون ئو هەديێن مە بگرن. حال ئەوە گەرەك ئەم قەنجيێ بوە بكن، ئەڤيا دەينێ مەيە ئو حەقێ وەيە. ڤى عادەتێ مە "قَدْ اَكَلَ الدَّهْرُ عَلَيْها وشرِبَ" (يانى؛ بصەد سالان وها دەوام كر) ئيدى بويە وەك پەرچەكى ژ جانێ مە. ڤى عادەتێ مە يێ كو بەر دەوامە، ئەم هينى وى بونە ئو قەنجە چما تو ژمە قەبول ناكى، وى تەزييف دكى، بچوك دبينى؟﴾

ج: - ﴿ئا يەكەم: علم عەزيزە، ئەز ناخوازم وى زەليل بكم﴾ بتەورێ نە لائيق ئەز نا خوازم قەدرێ وى بشكينم ﴿ئو هەم ئەز دخوازم نيشانى وە بدم كو ژئەهلێ علم هنك كەس تەنەززولى دنيانێ ناكن، صەنعەتێ علم ناگەڕينە واسطا مەعيشەتێ. طەلەبە ژى ژ جەڕڕاڕ و پارسەكان جودانە﴾ ژبەدر كو ئەز بعلم ڕە مەشغولم عەزيزم ئو ناخوازم د شەخصێ خوەدە علم زەليل بكم. طەلەبەيێن علومێ دينى ژى نە پارسەكن ئو چاڤێ وان نە دمالێ خەلكێ دەيە، لۆما ئەز ناهێلم

﴿ئا دويەم: من خوەست ئەز نەصيحەتكێ بكم لوان مەئمورێن كو دنەكرنا وەظيفێ دە قەناعەتا وان هەيە لێ د مەعاشێ كو دستينندە قەناعەتا وان تنەيە، دگەل كو حەقريا وان هەيە ژى ژمێڤانداريێ خوە پاشدە نادن﴾ برا ڤانا وەظيفا خوە بكن، بمەعاشێ خوە قەناعەتێ بينن ئو دڕێويتيێ دە برا نەبن بار لخەلكێ

﴿ئا سێيەم: هنك كەسێن مەزن ئو لپێشهاتى كو بظولمێ مال دجڤاندن ئو دصەرفكرنێ دەژى ئيسراف دكرن ئيدى ڕێ لبەر وان هاتيە گرتن، نكارن وەك بەرێ مال بجڤينن، دە ئيژا ئەز دخوازم ڕێگرتنا لمەصرەفێ زێدە نيشانى وان بدم﴾ دا كو وەك من هينى قەناعەتێ ببن

﴿ئا چارەم: كەسێن كو دناڤ مسلماناندە سەياحەت دكن گەلۆ ژبۆ مللەت دگەڕن يان ژبۆ كێفا خوە دگەڕن؟ ئەز دخوازم قەيسەكێ، مەهەنگەكێ بدم نيشاندان دا كو ئێ ژبۆ كێفێ دگەڕن ئو ئێ ژبۆ خزمەتێ دگەڕن ژهەڤ وەرن ناسكرن﴾ ئێ وەك من كو تشكى ژخەلكێ ناخوازن ژبۆ خزمەتێ دگەڕن، ئێ دن ژى مەقصەدا وان نە خزمەتە.

 


Ê Berê هەڤپەيڤينا جڤاكا كوردان بسەيدايێ بَدِيعُ الزَّماَنْ ڕَه
Ê Li Pey Serîlêdanên qursên Qur’anê dest pê dikin

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.