GULDESTEYÊN BIJAARE -2

JI RUBA‘ÎYÊN MEWLANA ÇEND GULDESTEYÊN BIJAARE -2

   Wergera Ji Farisî: Cevdet KARAMAN    

Bi zikrê ziyade dibit nûra însanê qencê bi îman

Lew zikir vedigerînit ser heqîqetê rêşaşê sergerdan

Piştî her nimêja sub‘h û şamê lazim te wirdê ziman

Gotina “La îlahe îllallah” qut neke ji ser zar û ziman

Bo mestîya me hacet nînit hîç bi şerabê

Di meclîsa me de sefa tê bê çeng û rubabê

Bê saqî û bê şahid û bê mutrib û mey

Em ji xwe diçin, mest dibin wek mestanê xerabê

Ey ewê ku tu Yûsufê minî, ez Yaqûb im

Ey ewê ku tu siheta tenî, ez Eyyûb im

Ez kî me ez! Ey tu ji her kesî re mehbûbî bes

Tu nigê xwe bi tebitîne, ez jî li çepika dim

Bê ta‘eta dîn, beheşta Re‘hman  tu mexwaz

Bê xatemê heq, mulkê Suleyman tu mexwaz

Madem ku ‘eqîbeta her karî her xewa ebedî ye

Şikestina dilê hîç Muslumanî tu mexwaz

Ger tu beqaya pîroz dixwazî hîç ema hîç ne razê

Bi ‘eşqa dost xwe bi soje, tu hîç ema hîç ne razê

Tu bi sed şeban raza, te dî ku te çi jê peyda kir

Bi xatirê Xweda  kî tu îşev ta sibê hîç ema ne razê

Ev bayê sibê sirrê evîna evîndara ye, tu ne razê

Hengama tazarrû û niyaza[1] ye, tu hîç ne razê

Bo xelqê her du cîhana ji ezel bigre ta ebed

Ev derî nehatiye girtin hîç, tim vekiriye tu ne razê

Em aşiqê eşq in ku eşq e necat

Can wek Xizir e, eşq wek abê ‘heyat

Wey li wî! Ku ji şahê eşqê nîne wî berat

Ma ‘heywan, çi xeberdar e ji kanê nebat?[2]

Ew ru‘hê ku xapandîye li ser nexşê sifat

Ji pertewa Mustefa hilkişiyaye bal zat

Di hengama hilkişînê de bi dilşadî got

Ji şadîya ru‘hê Mustefa re selewat

Bê yar namîne yê digel yar be bi xweşderbasî

Muflîs nabe tuccarê digel xerîdar be bi başî

Ji bo ku heyv ji şevê ne revî gîha ronahîyê

Gulê, bêhna xweş peyda kir ku bi diryê re  kir derbasî