AZADÎYA RASTEQÎN Û SERDEMA NIHA

Article

    Pesn û hemdên bêjimar ji rebbê me “Xwedayê ‘aleman” re bin.  
    Azadȋ pênaseyek kûr ȗ berfireh e. Heta niha li ser vê têgehê gelek pênaseyên cȗr bi cȗr hatine ravekirin. Mixabin li gorȋ her nêrȋn ȗ alȋ raveya azadiyê jȋ hatiye guhertin. Pênaseya azadiyê bi gelemperȋ divê di her şert ȗ mercan de mirov di bin tu bandoran de nemȋne ȗ li gorȋ vê yekê biryara xwe bide, bibijêre û jiyana xwe birêve bibe. Lewra pênaseya azadiyê ne bêsȋnor e ango sȋnordar e. Divê azadiya her hebûneke ruhber an jȋ zindȋ li ser hebȗneke din nebe xetere ȗ serdest. Mafê tu kesȋ binpê neke ȗ li gorȋ vê rêzik ȗ armancê jiyana xwe bide runiştandin. Emê jȋ di çarçoveya bawerȋ ȗ civakê de li ser vê mijarê rawestin. 
    Di gerdȗnê de ȗ bi taybetȋ li ser rȗye erdê tu tişt li gorȋ kêf, daxwaz ȗ ȋradeya xwe nehatiye afirandin. Di her hebȗnekê de pȋvan ȗ nȋzamek heye. Çawa ku tav ȗ hîv, stêrk ȗ gerstêrk, erd û asȋman, nebatat ȗ heywanat, şev ȗ roj bi pergal ȗ pȋvan tevdigerin, heman awayȋ ȋnsan jȋ li ser rȗye dinyayê ne bixwedȋ ȗ serberdayî ye. Divê li gorȋ daxwaz ȗ ȋradeya xaliqê xwe tevbigere. Encax wê gavê di wateya rasteqȋn de dibe ȋnsan ȗ evdê xaliqê xwe. Ȋnsan xwedȋ ȋrade ȗ aqil e. Di jiyan ȗ biryarên xwe de hem azad ȗ hem jȋ perpirsiyar e. Ji ber ku başȋ ȗ xerabiyê, qencȋ ȗ neqenciyê, rastȋ ȗ çewtiyê ji hev dikare veqetȋne di her tevger, helwest ȗ biryarên xwe de berpirsiyar e. Ji xeynȋ vê yekê Xwedayê Teala ji ȋnsanan re pêxember ȗ kitêbên pȋroz şandine. Da ku aqil ȗ wahȋy bi hev re bikemile ku ȋnsan riya xwe ronȋ bike ȗ rast bimeşe. Ne tenê aqil ȗ ne tenê jȋ wehȋy mirovan nagihêjȋne heqȋqetê. Her du bi hev re girêdayî ne. Çawa ku çav hebe lewra şewq tunebe an jȋ şewq hebe çav tunebe, dȋtin çênabe; heman awayȋ gava ku aqil ȗ wehȋy bi hev re nemeşe ango nebin hevkar jȋ jiyanek watedar ȗ azad dernakeve holê.
    Kesên ku di bin bandora tu kesȋ an jȋ tu tiştan de nemȋne, tenê ji rebbê xwe re bibe evd ȗ ji xeynȋ wȋ ji tu kesên din re nebe evd ȗ kole, digihêje azadiya rasteqȋn. Ev kesê azad li gorȋ rêzik ȗ qanȗnen afirȋnerê xwe “Rebbul ‘alemȋn” tevdigere. Di dilê wȋ de gȗman ȗ tirs tune ye. Berjewendȋ ȗ menfeet tune ye. Bi dilekȋ azad, bi fikrekȋ hûr ȗ bi ramaneke serbixwe ber bi rebbê xwe ve diçe.
    Di heyema ȋro de gelo azadȋ çawa tê ȋdrakkirin ȗ çawa tê dijȋn? Nexasim têgeha azadiyê ber bi koletiya meqam ȗ mewkȋ, dirav ȗ berjewendȋ, hewa ȗ hewes, jin ȗ zarok ango xulasa ber bi koletiya dinyayê ve diçe. Dibe dilgirtinê dinyaya demborȋ ȗ lȋstoka şeytên. Mirovên vê nifşa dawȋ mixabin di neqeba daşir ȗ mutbexê de bȗne rêwî ȗ êsȋr. Rêwȋtiyeke birçȋ ȗ ne têrker. Armanca xwe ya hatina dinyayê ji bȋr kiriye ȗ rojane dijȋ. Dinyaya demborȋ ji xwe re kiriye yar ȗ dost. Bȗye ‘evdên dinyaya xapȋnok. Ji ber vê yekê ne têrbȗn maye ne jȋ aramȋ. Her tim bi tirs ȗ xof dijȋn. Lewra ne azad in. Bȗne bendedinya.
    Xwedayê Teala çawa ku di kitêba xwe ya pȋroz Qur’ana Kerȋm de ferman kiriye ȗ gotiye; tenê ew kesên mumȋn azad in. Li dijȋ vê yekê herkes evd ȗ koleyên dinyayê ȗ şeytên in. Ȋcar em li xwe ȗ derdora xwe hayîdar bin. Ne welatên Ewrȗpȋ, ne jȋ yên Emrȋki ji me re mȋnak ȗ model in. Ne bȋrdozîyên kemalȋst ne jȋ yên apoist ji me re rêheval in. Tenê Sunneta Resȗlȗllah ȗ Qur’ana Kerȋm ji me re rênȋşan ȗ murşȋd e.
Dawiya doza me her dem şikurkirina “Xwedayê Rebbûl ‘alemîn“ e.

Di debarê nivîskar de

Têhev

7

Gotar

Ê Berê Pȋvana Qencbȗnê Teqwa Ye
Ê Li Pey

Şîroveyên ku tên nivîsandin ne nerîn û fikrên me ne û bi tu awayî me temsîl nakin. Berpirsiyarê şîroveyan kesên ku şîroveyê dike ye.